عالىمدار الكوگول ىشىمدىكتەردىڭ ميعا زياندىلىعىن انىقتادى

 بۋراباي. قازاقپارات - يسپانياداعى سانتياگو- دە- كومپوستەلا ۋنيۆەرسيتەتىنىڭ عالىمدارى الكوگولدىڭ ادام ميىنا قانشالىق زياندى ەكەندىگىن انىقتادى. زەرتتەۋگە ەكى ءتۇرلى توپتىڭ ستۋدەنتتەرى قاتىستىرىلدى.

تاجىريبە كەزىندە ءبىرىنشى توپ قاتىسۋشىلارى اپتا ىشىندە 3 شىنى اياق سىرا جانە سونشا مولشەردە شاراپ ءىشتى. ال ەكىنشى توپ ستۋدەنتتەرى مۇلدە ىشىمدىك ىشكەن جوق.

 مۇنان سوڭ ولاردىڭ بارلىعىنا ورىنداۋعا بىردەي تاپسىرما بەرىلىپ، سول كەزدەگى ميدىڭ جۇمىسى ساراپقا سالىندى. تاپسىرمانى ەكى توپ تا ويداعىداي ورىنداعان. ءبىراق، اپتا بويىنا ىشىمدىك ىشكەن توپتىڭ قاتىسۋشىلارى جۇيكە جۇيەسىنە تۇسكەن اۋىرتپالىقتى وتكىر سەزىنىپ، تەز شارشاپ قالعان.

 عالىمداردىڭ ايتۋىنشا، ءتىپتى از عانا مولشەردە ىشىلگەن ىشىمدىك اعزانىڭ تەز ارادا شارشاۋىنا اكەلىپ سوقتىرادى. جاستىق شاقتا بۇل شارشاۋ بىلىنبەگەنىمەن، ادام جاسى ۇلعايعان سايىن سەزىلە باستايدى، دەپ جازادى epochtimes.ru.

www.24.kz