11:03, 16 - قازان 2015 | GMT +5
ۋكراينا ب ۇ ۇ قاۋىپسىزدىك كەڭەسىنە ۋاقىتشا مۇشە بولدى
استانا. قازاقپارات - ۋكراينا، ەگيپەت، جاپونيا، سەنەگال مەن ۋرۋگۆاي ب ۇ ۇ- نىڭ 15 ەلدەن تۇراتىن قاۋىپسىزدىك كەڭەسىنە ۋاقىتشا ەكى جىلعا مۇشە بولىپ سايلاندى.
بەس ەلدىڭ ەشقايسىسىنا باسەكەلەس بولعان جوق. ۋكراينا كەڭەستە شىعىس ەۋروپا ەلدەرىنىڭ اتىنان سويلەيدى.
سايلاۋ كامپانياسى كەزىندە كيەۆ ۋكراينا شىعىسىنداعى سەپاراتيستەردى قولدايتىن رەسەيدىڭ ۆەتو قويۋ قۇقىعىن شەكتەۋگە ۋادە ەتكەن. ەكى جىلدىق ماندات 2016 - جىلدىڭ 1- قاڭتارىنان باستالادى. بۇل بەس ەل كەڭەستەگى مانداتى اياقتالاتىن ليتۆا، چيلي، يوردانيا، چاد پەن نيگەريانى الماستىرادى.
ب ۇ ۇ قاۋىپسىزدىك كەڭەسى 14 تۇراقتى ەمەس مۇشەدەن جانە ۆەتو قويۋ قۇقىعى بار بەس ەلدەن قۇرالادى. ۆەتو قويۋعا قۇقىعى بار ەلدەر - ا ق ش، قىتاي، رەسەي، فرانسيا جانە ۇلى بريتانيا.
«ازاتتىق»
