رومان جايلاۋوۆتىڭ ءىنىسى كاسىپقوي بوكسقا اۋىستى

استانا. قازاقپارات - بيىلعى جىلدىڭ 1- جەلتوقسانىندا قازاقستاندىق كاسىپقوي بوكسشى رومان جايلاۋوۆتىڭ ءىنىسى دايىر جايلاۋوۆ كاسىپقوي كارەراسىنداعى العاشقى جەكپە-جەگىن وتكىزەدى.

بۇل تۋرالى سپورتشى ۆكونتاكتە الەۋمەتتىك جەلىسىندەگى جەكە پاراقشاسىندا مالىمدەدى، دەپ حابارلايدى Bnews.kz.

اعايىندى بوكسشىلار بۇل بوكس كەشىن و ا ر- داعى كەمپتون-پاركتا وتكىزەدى. العاشقى ورتا سالماقتا (140 فۋنتقا دەيىن - 63,5 كەلى) سىنعا تۇسكەلى جاتقان دايىردىڭ قارسىلاسى ازىرگە انىقتالعان جوق.

21 جاستاعى رومان جايلاۋوۆ (15-1, 9 ك و) كەلەسى جەكپە-جەگىن كاسىبي رينگتە جەڭىلىپ كورمەگەن، الەمنىڭ توپ-30 بوكسشىسىنىڭ قاتارىنا كىرەتىن كونگولىق پول كامانگاعا (16-0, 8 ك و) قارسى وتكىزەدى. كەزدەسۋ 12 راۋندقا سوزىلادى.