قازاقستاننىڭ اسكەري-تەڭىز كۇشتەرىندە ۇزدىك اسكەري قىزمەتشىلەردى انىقتادى - فوتو
بايقاۋعا كەلىسىم-شارت قىزمەتىنىڭ ماتروسىنان باستاپ ديۆيزيون ستارشيناسى، كوماندالىق بۋىن ستارشيناسى جانە قازاقستاننىڭ سۋ ءۇستى كورابلدەرىنىڭ بوتسماندارىنا دەيىنگى اسكەري قىزمەتشىلەر قاتىستى.
تۋرنير ەكى كەزەڭدە - جاعالاۋلىق جانە تەڭىزدىك كەزەڭدەردە ءوتتى. اسكەري قىزمەتشىلەر جەكە قۇرامدى كورابلگە ورنالاستىرۋ، كورابلدە سىن كەزىندە رەيدتىك قىزمەتتى ساقتاۋ جانە تەحنيكالىق قۇرالداردى پايدالانۋ ەرەجەلەرىن ساقتاۋ، سونداي-اق كورابلدىڭ زاكىرلىك، تارتقىش جانە تيەۋ قۇرىلعىلارىنىڭ ءبۇتىن جاي-كۇيى مەن ازىرلىگىن ساقتاۋ ماسەلەلەرىندە بارىنشا شەبەرلىكتەرى مەن داعدىلارىن كورسەتۋلەرى ءتيىس بولدى.
بايقاۋدىڭ ەكى كەزەڭىنىڭ قورىتىندىسى بويىنشا 10 ۇزدىك اسكەري قىزمەتشى ايقىندالدى. ولار: ەلەكتر مەحانيكالىق، زىمىران-ارتيللەريالىق، شتۋرماندىق جاۋىنگەرلىك بولىمدەر مەن راديوتەحنيكالىق قۇرالدار مەن بايلانىس جاۋىنگەرلىك ءبولىمىنىڭ تەحنيكتەرى مەن ستارشينالارى بولدى.
ۇزدىك كورابل ستارشيناسى 3-سىنىپتى ستارشينا ت. كۇشكىنبايەۆ، ۇزدىك بوتسمان 3-سىنىپتى ستارشينا ب. مەدەتوۆ بولىپ تانىلدى.
ق ر ق ك ا ت ك ستارشيناسى شتاب-ستارشينا ايداۋلەت ۇردابايەۆ اتاپ وتكەندەي، مۇنداي ءىس-شارالار كۇندەلىكتى تىنىس-تىرشىلىكتى ۇيىمداستىرۋ، باعىنىستى جەكە قۇرامعا باسشىلىق ەتۋ جانە كورابلدى قۇرىلعىلاردى پايدالانۋ ماسەلەلەرىندە ستارشينالىق قۇرامنىڭ ءبىلىمى مەن ماشىعىن اناعۇرلىم ارتتىرادى.
