الەمدەگى ەڭ ۇلكەن ادامعا ارنالعان اياق كيىم

 الايدا، سونداي ەرەكشە جاراتىلىستار باسىندا قانداي قيىندىقتار بارىن ەشكىم ەلەمەيدى. مىسالى، الەمدەگى ەڭ ۇلكەن ادامنىڭ كىم ەكەنىن بىلگەن جاندار ونىڭ قانداي ولشەمدەگى كيىم مەن اياق كيىم كيەتىنىن بىلە بەرمەيدى.

الەمدەگى ەڭ ۇلكەن ادام تۇركيالىق سۇلتان كەسەن. ونىڭ بويى 2 مەتر 51 سم قۇرايدى. مۇنداي بويلى الىپ ادامعا اياق كيىم تابۋ دا وڭاي ءىس ەمەس. سوندىقتان ول تۇرىك ەلىنەن ارنايى گەرمانياداعى ۇزىن ادامدارعا اياق كيىم تىگەتىن گەورگا ۆەسسەلسا اۋلەتىنە بەت الدى.

اياعىنىڭ ۇزىندىعى 60 س م بولاتىن سۇلتان كەسەن ءوز تاپسىرىسى بويىنشا جاسالعان ەكى جاڭا اياق كيىم كيىپ كوردى.

الىپ ادامدارعا ارنايى تىگىلەتىن اياق كيىمدەر ولشەمى ۇلكەن بولىپ قانا تىگىلمەيدى. ونى ۇزاققا شىدايتىن ارنايى زاتتارمەن تىگەدى. تابانى جۇمساقتىعى، سونىمەن قاتار الىپ دەنەنى ۇزاق ۋاقىت كوتەرە الاتىنى ەسكەرىلەدى. سەبەبى سۇلتان كەسەن سەكىلدى ادامدارعا بازارعا بارىپ اياق كيىم ساتىپ الۋ مۇمكىن ەمەس.

 ۇزاق جىلدان بەرى وسى كاسىپپەن اينالسىپ كەلە جاتقان گەورگا ۆەسسەلسا اۋلەتى بۇگىنگى كۇنگە دەيىن الىپ ادامدارعا ارنايى 500 جۇپ اياق كيىم تىگىپ سىيعا تارتقان ەكەن. گەرمانيانىڭ ۆرەدەن قالاسىندا ورنالاسقان وسى ءبىر الىپتارعا اياق كيىم تىگەتىن مەكەننەن الەمنىڭ باسقا دا بويشاڭ جاندارىن كەزىكتىرۋگە بولادى. فوتودا (سولدان وڭعا قاراي) : ادرامان دەمبەلە كوت- د'يۆۋارلىق ازامات بويى 2 مەتر 32 سم؛ سۇلتان كەسەن؛ براحيم تاكيوللاح ماروككا ەلىنىڭ تۇرعىنى بويى 2 مەتر 46 س م، جانە گەورگا ۆەسسەلسا.

massaget.kz