ن. نازاربايەۆ: قازاقستان از عانا جىلدا گۇلدەنگەن، قۋاتتى عارىشتىق مەملەكەتكە اينالدى

 «ايدىندى «حالىق قاھارمانى» اتاعىمەن، ال بارشا قازاقستاندىقتاردى جاڭا باتىرىمەن قۇتتىقتايمىن. مەن «قازاقستان جولى» كىتابىمدا ەلىمىزدىڭ تاۋەلسىزدىك تاريحى قازاقستاننىڭ عارىشكەرلىك تاريحىنان باستالدى دەپ ايتقان بولاتىنمىن. ءبىز 1991 - جىلى تامىزدا بايقوڭىر عارىش ايلاعىن قازاقستاننىڭ مەنشىگىنە الدىق. قازان ايىندا العاشقى قازاق عارىشقا اتتاندى. نە ءبارى 2 ايدان سوڭ جەلتوقساندا قازاقستان تاۋەلسىزدىگىن جاريالادى. حالىق بۇل وقيعانى تاۋەلسىزدىگىمىزدىڭ عارىش كەڭىستىگىندەي شەكسىز، ماڭگىلىك بولۋى دەپ باعالادى. راسىندا دا ەلىمىز از عانا جىلدا گۇلدەنگەن، قۋاتتى عارىشتىق مەملەكەتكە اينالدى»، - دەدى ەلباسى.

 ق ر پرەزيدەنتىنىڭ ايتۋىنشا، جەر بەتىندە 3 نەمەسە ودان دا كوپ پەرزەنتى عارىشقا كوتەرىلگەن 9 عانا مەملەكەت بار ەكەنىن باسا ايتتى.

 «سونىڭ ءبىرى ءبىز بولدىق. ءبىزدىڭ باتىر عارىشكەرلەرىمىزدىڭ ءىزباسارلارى ءالى تالاي كوك جۇزىنە اتتاناتىن بولادى. ءبىزدىڭ ماڭگىلىك ەلىمىز عارىشتىڭ شەكسىز ماڭگىلىك كەڭىستىگىندەگى ەڭ جارىق جۇلدىزى. ول جىل وتكەن سايىن جارقىراپ، جايناي بەرەدى دەپ سەنەمىز»، - دەدى ن. نازاربايەۆ.

 اۆتور: مارلان جيەمباي