بەلگىلى فۋتبول كلۋبى يزرايل ۇسىنعان ميلليونداردان باس تارتتى
يسپان باسپا ءسوز قىزمەتىنىڭ حابارلاۋىنشا، يزرايل ۇكىمەتى كوماندا قورىنا 5 ميلليون ەۆرو اۋدارماق بولعان. بۇل «جومارتتىقتارىنىڭ» وتەمى رەتىندە ولار كلۋب ويىنشىلارىنىڭ جەيدەسىنە وزدەرىنىڭ بەلگىلەرىن جاپسىرماق بولعان.
قارجىلاي ءتيىمدى بولعانىمەن، كلۋب باسشىلارى بۇل «باتپان قۇيرىقتان» باس تارتقان. ولار وزدەرىنىڭ بۇل شەشىمدەرىنە اسقىنىپ تۇرعان يزرايل- پالەستينا اراقاتىناسى سەبەپ بولعان. كلۋب ويىنشىلارى ولاردىڭ بەلگىلەرىن تاعىپ ءجۇرۋ - پالەستيناعا جاسالعان ادىلەتسىزدىك دەپ ەسەپتەيتىندەرىن جەتكىزگەن.
ايتا كەتەيىك، يزرايل مەملەكەتىنىڭ باسقىنشىلىق شابۋىلدارىنان كەيىن الەمنىڭ كوپتەگەن ەلدەرى مەن كامپانيالارى مەن ورتاقتاسا ءىس اتقارۋدان باس تارتىپ، بويكوت جاريالاۋدا.
قازىرگى ۋاقىتتا پالەستينا اۋماعىندا 200 گە جۋىق يزرايلدىك قونىستار پايدا بولىپ، جارتى ميلليونعا جەتەقابىل جان ورنالاسىپ ۇلگەرگەن. ولاردىڭ بۇل قونىستانۋلارى حالىقارالىق قۇقىق بويىنشا زاڭسىز سانالعانىمەن، بۇۇ بىرنەشە مارتە تالاپ قويعانىمەن، يزرايل ۇكىمەتى پالەستينا جەرىنە باسا- كوكتەپ كىرۋىن ەش دوعارار ەمەس.
