جاڭا وتاندىق «ءبىزدىڭ اعاي» تەلەحيكاياسى كورەرمەنگە جول تارتتى - كەسكىن
استانا. قازاقپارات - 12 -قازان كۇنى «قازاقستان» تەلەارناسىندا 16 سەريالى «ءبىزدىڭ اعاي» كومەديالىق تەلەحيكاياسىنىڭ تۇساۋى كەسىلدى.
بۇدان بۇرىن حابارلاعانىمىزداي، تەلەحيكايا زەينەتكەرلىككە شىعىپ، تانىمال بلوگەر جانە جاستاردىڭ تالىمگەرى اتانعان اۋىل اقساقالىنىڭ ءومىرى تۋرالى باياندايدى.
وقيعا جامبىل وبلىسىنىڭ شۋ اۋدانىندا وتەدى. باس كەيىپكەرلەر - جومارت اعانىڭ وتباسى جانە اۋىلداستارى. تۋىندىنىڭ رەجيسسەرى - «اپكە»، «اگەنت Z» جانە ت. ب. تەلەحيكايالارىمەن تانىمال مۇرات ءبيدوسوۆ.
تۋىندى ءازىل- وسپاققا نەگىزدەلسە دە، وتانسۇيگىشتىك، ۇلكەندەرگە دەگەن قۇرمەت، وتانعا، وتباسىعا دەگەن ماحاببات تاقىرىپتارى كەڭىنەن ناسيحاتتالادى. حيكايا بارىسىندا وتاندىق ءوندىرىس ءونىمى جانە زاماناۋي تەحنولوگيا جەتىستىكتەرى كورسەتىلەدى.
