قىرعىزستاننىڭ قورعانىس ءمينيسترى قىزمەتتەن قۋىلدى
مەملەكەتتىك ۇلتتىق قاۋىپسىزدىك كوميتەتىنىڭ مالىمەتىنشە، ابيبيللا قۇدايبەرديەۆتىڭ ۇستىنەن قىزمەتىن اسىرا پايدالانعانى جانە جەمقورلىق فاكتىلەرى بويىنشا قىلمىستىق ءىس قوزعالعان.
«مەملەكەتتىك ۇ ق ك جەمقورلىققا قارسى قىزمەتى رەسپۋبليكانىڭ اسكەري پروكۋراتۋراسىمەن بىرگە قورعانىس مينيسترلىگىنە شۇعىل تەكسەرۋ جۇمىستارىن جۇرگىزىپ، ناتيجەسىندە قالىپتاسقان جەمقورلىق جۇيەسىن انىقتادى» دەلىنگەن مۇكق تاراتقان حابارلامادا.
تەرگەۋ بارىسىندا بەلگىلى بولعانداي، مينيسترلىكتىڭ جوعارى شەندى قىزمەتكەرلەرى مەملەكەت قارجىسىن «اسكەر- كۋرۋلۋش» مەملەكەتتىك مەكەمەسى ارقىلى جەكە فيرمالاردىڭ ەسەبىنە اۋدارىپ وتىرعان.
قىلمىستىق ءىس مينيسترمەن بىرگە ۆەدومستۆونىڭ شەندى وزگە دە قىزمەتكەرلەرىنىڭ، سونداي اتالعان كومپانيا باسشىلارىنىڭ ۇستىنەن قوزعالدى. تەرگەۋ امالدارى جالعاسىپ جاتىر.
Baq.kz
