قىتاي ەلشىلىگى تۇركيادا ساياحاتتاپ جۇرگەن وتانداستارىن ساق بولۋعا شاقىردى
قىتايدىڭ تۇركياداعى ەلشىلىگى تاراتقان حابارلاندىرۋدا: «10- قازاندا انكارانىڭ ورتالىعىندا بولعان ەكى جانكەشتىنىڭ لاڭكەستىك شابۋىلىنان 86 ادام قازا تاۋىپ، 186 جاراقات الدى. تۇركيانىڭ رەسمي وكىلدەرى كەڭ اۋقىمدى تەررورلىق قاۋىپپەن بەتپە- بەت كەلگەندىگىن جەتكىزدى.
وسىعان وراي، قىتايدىڭ تۇركياداعى ەلشىلىگى مەن كونسۋلدىعى تۇركيادا ساياحاتتاپ جۇرگەن وتانداستارىنا ساقتىق شارالارىنا ءمان بەرۋگە جانە حالىق كوپ شوعىرلاناتىن قوعامدىق ورىندارعا بارماۋعا كەڭەس بەرەدى»، - دەلىنگەن.
بيىل تۇركياعا ساياحاتتاپ كەلگەن تۋريستەردىڭ سانى وتكەن جىلمەن سالىستىرعاندا %43,8- عا ۇلعايىپ، 200 مىڭدى قۇرادى. بۇل كورسەتكىش جىل اياعىنا دەيىن 300 مىڭعا جەتەدى دەپ جوسپارلانۋدا.
