رەسەيلىك عالىمدار جىلدامدىعى جوعارى ۇشاتىن تاباق قۇراستىردى
بۇل ەلەكتر قۋاتىنىڭ كومەگىمەن كەز كەلگەن نىساننىڭ اۋەدە قالقۋىنا مۇمكىندىك بەرەدى. عالىمدار بەلگىسىز ۇشۋشى وبەكتىنىڭ قوزعالۋى دا وسى ادىسپەن تىكەلەي بايلانىستى ەكەندىگىن انىقتادى.
بۇل جاڭالىقتى 1929-جىلى امەريكالىقتار اشتى دەپ ەسەپتەلەدى، كەيىن ونى جاسىرعان. رەسەيلىك عالىمدار ۇشاتىن تاباق جاساۋ ءادىسىن ءبىلىپ، ونىڭ ماكەتىن ماسكەۋدە وتكەن NAUKA-2015 فەستيۆالىندە كورسەتتى.
بۇل جاڭالىق كولىك قۇرالدارىن قۇراستىرۋ سالاسىندا جاڭا مۇمكىندىكتەر اشادى. ۇشاتىن تاباق الىپ بولۋى مۇمكىن. ونىڭ ۇزىندىعى ونداعان جانە جۇزدەگەن كيلومەترگە جەتە الادى. سونىمەن قاتار ول بورتىنا كوپ كولەمدە جۇكتى سىيدىرا الادى. ماسەلەن، ديامەترى 400 كيلومەترلىك تاباق قۇراستىرسا، ونىڭ بورتىنا جەردىڭ بارلىق تۇرعىنىن سىيدىرۋعا بولادى.
سونىمەن قاتار، عالىمدار بۇل اپپارات مەتەوريتتەردى شەگىندىرىپ، پلانەتالاردى، ءتىپتى گالاكتيكالاردى جىلجىتا الاتىنىن ايتادى. ۇشاتىن تاباقتى ارنايى قارۋمەن عانا قۇلاتۋعا بولادى. قوزعالتقىشتىڭ جاڭا جۇيەسى ارقاسىندا ۇشاتىن تاباقپەن بەلگىلى ءبىر جەرگە ادەتتەگىدەن تەز جەتۋگە بولادى. ماسەلەن مارسقا ونىمەن ءبىر ايدا عانا جەتۋگە بولادى. قازىر بۇل ساپاردىڭ ۋاقىتى ءبىر جىلدى قۇرايدى.
عالىمدار ۇشاتىن تاباقتاردى جاقىن ارادا شىعارا باستايتىنىن ايتتى. ويتكەنى وعان ر ف قورعانىس مينيسترلىگى قىزىعۋشىلىق تانىتتى. ءبىر ۇشاتىن تاباقتى جاساۋ ءۇشىن شامامەن ءۇش جىل كەتەدى، دەپ جازادى planet-today.ru.
