تارازداعى تۇڭعىش پرەزيدەنت ساياباعىندا قوناقتار كوشپەندىلەر وركەنيەتىنىڭ تاريحىمەن تانىستى
«قازاق الەمى» تاريحي-ەتنوگرافيالىق كەشەنىنىڭ ەكسپوزيتسياسى قازاقستان اۋماعىندا مىڭداعان جىلدار بويى قالىپتاسقان دالا بيلەۋشىلەرى مەن كوشپەندىلەرى ءومىرى جايىندا سىر شەرتەدى. كومپوزيتسيالار رەتىندە دالا بيلەۋشىلەرىنىڭ شاتىرلارى مەن كيىز ۇيلەر، قول كۇرەسى، كونە سەمسەرلەرمەن كۇش سىناسۋ، قول ونەر بۇيىمدارىنىڭ، كونە الاشالاردىڭ، قارۋ، زەرگەرلىك بۇيىمداردىڭ كورمەسى ۇسىنىلدى.
وندا قولا داۋىرىنەن باستاپ حالىق دامۋىنىڭ نەگىزگى كەزەڭدەرى كورسەتىلدى. وسىلايشا قوناقتار ەجەلگى قازاقستانعا ساياحات جاساعانداي اسەر الدى.
سونداي-اق، ويىن-ساۋىق جانە تانىمدىق فۋنكسيالارى بار اتتراكتسيوندار دا تامساندىردى. ساياباقتا شاتىرلار، كيىزدەن جاسالعان «التىن ساقا» بالالار الاڭى، «كوك كۇيمە» كيىز ۇيلەرى، «دۋلىعا» ينستاللياتسياسى، «سكيفتەر-ساقتار الەمى» رەلەفتىك پاننوسى، «اق شاتىر» ورتالىق ساحناسى، «وت كۇشى» اللەياسى، «سويلەيتىن تاستار» لابيرينت-ينستاللياتسياسى، «جەل داۋىسى» ينستاللياتسياسى، «تاريح دوڭعالاعى» مەتافورا- ساحناسى، قولونەر شەبەرلەرىنىڭ جارمەڭكەسى، اڭشىلاردىڭ، قولونەرشىلەردىڭ، وتىنشىلاردىڭ، زەرگەرلەردىڭ، ەرشىلەردىڭ، تىگىنشىلەردىڭ تەماتيكالىق اۋىلدارى ورىن تەبەدى.
