رەسەيدە ەڭ ءىرى حيميالىق قارۋ قورى جويىلدى
زاۋىت جۇمىسىن باستاعان 2010-جىلدان بەرى وندا جەتى جارىم مىڭ تونناعا جۋىق ۋلى زاتتار زالالسىزداندىرىلعان.
«پوچەپ» نىسانىندا قۇرامىندا زارين، زومان جانە باسقا VX تۇرىنە جاتاتىن اسا قاۋىپتى ۋلى زاتتار بار جالپى جيىنى 67 مىڭنان اسا حيميالىق اۋە قارۋى جويىلعان دەپ حابارلايدى حيميالىق قارۋلاردى قاۋىپسىز جويۋ جانە ساقتاۋ جونىندەگى رەسەي فەدەرالدىق باسقارماسى مالىمەتتەرىنە سىلتەمە جاساعان ت ا س س اگەنتتىگى.
پوچەپ قالاسىندا بۇگىن حيميالىق قارۋلاردى جويۋ جۇمىستارىنىڭ اياقتالۋىنا ارنالعان سالتاناتتى ءراسىم وتەدى. وعان حيميالىق قارۋعا تىيىم سالۋ جونىندەگى حالىقارالىق ۇيىم ينسپەكتوراتىنىڭ ديرەكتورى مارچەللو كوس قاتىسپاق.
جاقىن ۋاقىتتا زاۋىت قۇرال-جابدىقتارى گازدان ارىلتىپ، قاۋىپتى قارۋ-جاراق ساقتالعان جەر تازارتىلادى دەپ حابارلاندى. ودان سوڭ كاسىپورىندى ازاماتتىق ماقساتتاعى ءوندىرىس ورنىنا اينالدىرۋ ماسەلەسى قاراستىرىلماق.
رەسەيدە ساقتالىپ كەلگەن ۋلى قارۋ-جاراقتىڭ 92 پايىزى بيىل قازان ايىنا دەيىن جويىلعان. 2016-جىلى حيميالىق قارۋ-جاراقتى جويۋ جۇمىستارى ۋدمۋرتياداعى «كيزنەر» كاسىپورنىندا جالعاساتىنى ايتىلىپ وتىر.
«ازاتتىق»
فوتو: azattyq.org
