ەردوعان: انكارامەن دوستىقتان كەتسە ماسكەۋ كوپ نارسە جوعالتادى
ول تۇركيا ءوز اۋە كەڭىستىگىن بۇزاتىن جاعداي تاعى قايتالانسا، جاي عانا قاراپ وتىرمايتىنىن ەسكەرتتى.
ناتو ۇيىمىنىڭ شۇعىل وتىرىسىندا ۇيىمنىڭ باس حاتشىسى يەنس ستولتەنبەرگ تۇركيانىڭ اۋە كەڭىستىگىن رەسەيلىك ۇشاقتاردىڭ بۇزۋى كەزدەيسوق وقيعاعا ۇقسامايتىنىن ايتقان. ول ماسكەۋ تۇرىك شەكاراسىن قۇرمەتتەۋى ءتيىس دەپ سانايدى.
تۇركياداعى رەسەي ەلشىلىگى جەكسەنبى كۇنى تۇركيا اۋە كەڭىستىگىن رەسەيلىك ۇشاقتىڭ ەكىنشى رەت بۇزۋىنا بايلانىستى بۇل اپتادا رەسمي انكارادان نارازىلىق نوتاسىن العان جوق دەپ مالىمدەدى وسى ەلشىلىكتىڭ وكىلى.
ونىڭ الدىندا تۇركيا سىرتقى ىستەر مينيسترلىگى ءۇش كۇن ىشىندە رەسەيلىك س ۋ-24 ۇشاعىنىڭ تۇركيا اۋە كەڭىستىگىن بۇزۋى تاعى قايتالانىپ وتىرعانىنا بايلانىستى رەسەي ەلشىسى اندرەي كارلوۆقا نارازىلىق نوتاسىن تاپسىرعان دەگەن حابار تاراعان ەدى.
تۇركيا سىرتقى ىستەر مينيسترلىگىنىڭ مالىمدەمەسىندە ەلدىڭ اۋە كەڭىستىگىن ەكىنشى قايتارا بۇزۋ وقيعاسى قازاننىڭ 4 ءى كۇنى بولعانى ايتىلعان. ماسكەۋ انكارانىڭ مالىمدەمەسىنە ازىرشە ەشقانداي كوممەنتاري بەرگەن جوق.
قازاننىڭ 3 ءى كۇنى تۇركيا مەن سيريا شەكاراسىندا رەسەيلىك س ۋ-30 اسكەري ۇشاعى تۇرىك اۋە كەڭىستىگىنە العاش رەت زاڭسىز كىرگەن. تۇركيا اۋە كۇشتەرىنىڭ ەكى ۇشاعى رەسەيلىك ۇشاقتى ەل اۋماعىنان شىعۋعا ءماجبۇر ەتكەن. رەسەي شەكارانى بۇزعانىن مويىنداپ، ونى «ناۆيگاتسيا قاتەلىگىنەن بولدى» دەپ تۇسىندەرگەن.
«ازاتتىق»
فوتو: azattyq.org
