گانا تايپاسىنىڭ مۇراگەر حانزاداسى قىرعىز ەلىنەن قالىڭدىق تاپتى

دانيەل نيي ارما تەگو افريكالىق مونارحتاردىڭ ءبىرىنىڭ ۇلكەن ۇلى. «شىنىمدى ايتسام، بۇل تاقىرىپتا ويلانىپ كورمەپپىن، ءيا، ۇيلەنۋ تويىنان كەيىن مەن حانشايىم بولامىن»، - دەدى ەلنۇر.

دانيەلدىڭ تۋىستارى جۇپتى قۇتتىقتاپ ۇلگەردى. سونىمەن قاتار، فۋتبولشىنىڭ اكەسى، گانالىق تايپالاردىڭ ءبىرىنىڭ كورولى ۇلكەن ۇلىنىڭ ۇيلەنۋ تويىنا قاتىسۋدى جوسپارلاپ وتىر. «ازىرشە قىرعىز داستۇرىمەن ۇيلەندىك، رەسمي تۇردە نەكەلەسكەن جوقپىز. ۇيلەنۋ تويىنىڭ كۇنىن دە بەلگىلەمەدىك، سەبەبى دانيەلدىڭ اكەسىنىڭ قاشان كەلەتىنى بەلگىسىز. بىرىنشىدەن، ونىڭ جۇمىس كەستەسى، وزگە كورولداردىكىندەي وتە تىعىز، ەكىنشىدەن، ۆيزانىڭ قاشان بەرىلەتىنى بەلگىسىز. قازىر قىرعىزستانعا شاقىرتۋ راسىمدەپ جاتىرمىز»، - دەدى ەلنۇر.

قىزدىڭ ايتۋىنشا، ول دانيەلمەن ينتەرنەتتە تانىسقان. قىرعىزستاندا 2008 -جىلدان بەرى تۇراتىن، جەرگىلىكتى ازاماتتىقتى الىپ ۇلگەرگەن جىگىت ءوزىنىڭ ءبىرىنشى حابارلاماسىن ەلنۇرعا وسىدان ەكى جىل بۇرىن جازىپتى. باستاپقىدا گانالىق حانزادانى قىرعىز ارۋى ەلەمەگەن كورىنەدى. الايدا كەزدەسۋ ونىڭ فۋتبولشىعا دەگەن كوزقاراسىن تۇبەگەيلى وزگەرتكەن.

«باسىندا ونى باسقالار سياقتى دەپ ويلادىم. حات جازىسىپ جۇرگەندە ول مەنىڭ جولداسىم بولادى دەگەن وي مۇلدەم بولعان جوق. ءبىراق كەزدەسكەننەن كەيىن ول تۋرالى ويىم تۇبەگەيلى وزگەردى. ول وتە مەيىرىمدى جانە قاراپايىم جىگىت بولىپ شىقتى»، - دەيدى قىز.
kaz.tengrinews.kz