ە ا ە و مەن قىتايدىڭ كولىك-كوممۋنيكاتسيالىق ءوزارا ءىس-قيمىلى باعدارلاماسىن جاساۋ قاجەت - ق. جاقىپوۆ
بۇل تۋرالى بۇگىن ەلوردادا ءوتىپ جاتقان «ەۋرازيالىق ەكونوميكالىق پەرسپەكتيۆا» اتتى حالىقارالىق فورۋم بارىسىندا ق ر پارلامەنتى ءماجىلىسىنىڭ ءتوراعاسى قابيبوللا جاقىپوۆ ايتتى.
«ءبىزدىڭ ەلدەرىمىزدىڭ كولىك-ينفراقۇرىلىمدىق الەۋەتىن بىرىكتىرۋ ماقساتىندا، ەۋرازيالىق ەكونوميكالىق كوميسسيا اياسىندا ەۋرازيالىق ەكونوميكالىق وداققا مۇشە ەلدەر مەن قىتايدىڭ كولىك-كوممۋنيكاتسيالىق ءوزارا ءىس-قيمىل باعدارلاماسىن دايىنداۋعا بولار ەدى»، - دەدى ق. جاقىپوۆ.
وسى رەتتە ءماجىلىس ءتوراعاسى قازاقستان اۋماعى ارقىلى سولتۇستىك-وڭتۇستىك، ترانسازيالىق تەمىر جول ماگيسترالى سىندى ترانسۇلتتىق دالىزدەر وتەتىندىگىن ەسكە سالدى. 2014-جىلدىڭ جەلتوقسانىندا پايدالانۋعا بەرىلگەن «قازاقستان-تۇركىمەنستان-يران» تەمىر جول تارماعى پارسى شىعاناعى مەن ورتالىق ازيا اراسىنداعى قىسقا جولدى قامتاماسىز ەتەتىندىگىن اتاپ ءوتتى.
«كەلەر جىلى ءبىز «باتىس ەۋروپا-باتىس قىتاي» اۆتوجولىنىڭ قازاقستاندىق 2700 شاقىرىمىن اياقتايمىز. ول ەۋروپاعا جۇك جەتكىزۋ مەرزىمىن 3,5 ەسە قىسقارتاتىن بولادى»، - دەدى ءماجىلىس سپيكەرى.
اۆتور: مارلان جيەمباي
