ق. جاقىپوۆ ە ا ە و مەن قىتايدىڭ ساۋدا-ەكونوميكالىق ىنتىماقتاستىعى جونىندەگى كەشەندى شارالار قابىلداۋدى ۇسىندى
مۇنداي ۇسىنىستى بۇگىن ەلوردادا ءوتىپ جاتقان «ەۋرازيالىق ەكونوميكالىق پەرسپەكتيۆا» اتتى حالىقارالىق فورۋم بارىسىندا ق ر پارلامەنتى ءماجىلىسىنىڭ ءتوراعاسى قابيبوللا جاقىپوۆ جاسادى.
«قۇرمەتتى ارىپتەستەر، ەۋرازيالىق ەكونوميكالىق وداققا مۇشە مەملەكەتتەر مەن قىتايدىڭ ساۋدا-ەكونوميكالىق، يندۋستريالدى جانە ينۆەستيتسيالىق ىنتىماقتاستىعىن نىعايتۋ جونىندەگى كەشەندى شارالار قابىلداۋ مۇمكىنشىلىگىن قاراستىرۋعا بولار ەدى. قولدا بار وندىرىستىك جانە عىلىمي الەۋەتتى پايدالانا وتىرىپ، بىزدەر جاڭا وندىرىستەر قۇرۋداعى كۇش-جىگەرىمىزدى بىرىكتىرە الار ەدىك. وسىلايشا، ءبىزدىڭ ەلدەرىمىزدىڭ ەكونوميكاسىنىڭ شىنايى سەكتورلارىن يندۋستريالدى دامىتۋدى قولداي وتىرىپ، جۇمىسپەن قامتۋدى، شاعىن جانە ورتا بيزنەستى ىنتالاندىرۋعا مۇمكىندىگىمىز بولادى»، - دەدى ول.
ونىڭ اتاپ وتۋىنشە، ەنەرگەتيكا، مۇناي وڭدەۋ جانە ماشيناجاساۋ سالالارى بۇل رەتتە باسىم باعىتتار بولا الادى.
«قازىرگى ۋاقىتتا قازاقستان قىتاي تارابىمەن بىرلەسىپ، اتىراۋ وبلىسىندا پوليپروپيلەن ءوندىرىسى بويىنشا گاز-حيميا كەشەنىن، مۇنايدى تەرەڭ وڭدەۋ كەشەنىن، حوش ءيىستى كومىرسۋتەك شىعارۋ زاۋىتى قۇرىلىسىن جۇرگىزۋدە. بۇعان قوسا، قىتايدىڭ ونەركاسىپ قۋاتتارىن قازاقستانعا كوشىرۋ ماسەلەسى تالقىلانۋدا. بۇل ونداعان بىرلەسكەن كاسىپورىننىڭ سالىنۋىنا تۇرتكى بولادى»، - دەدى ق. جاقىپوۆ.
اۆتور: مارلان جيەمباي
