تاراز ەلىمىزدىڭ تارتىمدى تۋريستىك ورتالىعىنا اينالماق - ە. ءمانجۋوۆ - فوتو
«ءبىزدىڭ وبلىسىمىز العاش رەت جامبىل وبلىسىنىڭ حالىقارالىق تۋريستىك برەندىنە اينالاتىن وراسان زور جوبانى الادى. تۇركىتىلدەس مەملەكەتتەردىڭ ىنتىماقتاستىق كەڭەسىنىڭ IV ءساميتى كەزىندە ەلباسى تۇركى الەمىندە تۋريزمدى دامىتۋ ءۇشىن بىرلەسكەن تۋريستىك ءونىم شىعارىپ، ۇلى جىبەك جولى برەندىن پايدالانۋدى ۇسىندى.
بەلگىلى بولعانداي، قازاقستاندا «باتىس ەۋروپا-باتىس قىتاي» حالىقارالىق كولىك ماگيسترالىندەگى ءبىزدىڭ ۋچاسكەمىزدىڭ قۇرىلىسى اياقتالىپ جاتىر. ءبىز كولىك ينفراقۇرىلىمى مەن تۋريستىك كلاستەردىڭ دامۋىنىڭ ارقاسىندا وبلىسىمىزعا كەلەتىن تۋريستەر اعىنى كوبەيەدى دەپ سانايمىز»، - دەدى ە. ءمانجۋوۆ.
جامبىل وبلىسى اكىمىنىڭ ورىنباسارى «كونە تاراز» ارحەولوگيالىق پاركىنىڭ قازاق حاندىعىنىڭ 550 جىلدىعىن مەرەكەلەۋدىڭ ەڭ ءىرى نىسانىنا اينالاتىنىن اتاپ ءوتتى. سالتانات كۇندەرى 2011-جىلدان بەرى ارحەولوگيالىق قازبا جۇمىستارى جۇرگىزىلىپ جاتقان تارازدىڭ بۇرىنعى ورتالىق بازارى ورنىندا «كونە تاراز» ارحەولوگيالىق پاركى اشىلادى. وندا تاريحي جاساندىلاردان باسقا «مىڭبۇلاق» ساياباعى، «تاراز اۋەندەرى» الاڭى، قاراۋ مۇناراسى، دوستىق ءۇيى مەن كونگرەسس-حولدىڭ جانىندا ەتنومادەني ورتالىق اشىلادى.
«بۇعان دەيىن وبلىسىمىزدىڭ تاريحي برەندى «قاراحان»، «ايشا ءبيبى»، تەكتۇرماس، بالاساعۇن كەسەنەلەرى ەدى. ەندى بىزدە جاڭا وراسان زور برەند - «كونە تاراز» پايدا بولۋدا. قازبا جۇمىستارى كەزىندە مۇندا VI- XII عاسىرلارداعى شامامەن 40 مىڭعا جۋىق جاساندى زات، ورتاعاسىرلىق قامال، VIII- IX عاسىرلارداعى مەشىت، مەدرەسە، كونە تالاس وزەنى اڭعارىنىڭ جاعالاۋى، تۇرعىن قۇرىلىستاردىڭ ىرگەتاستارى، تاس توسەلگەن جول، قاراحانيدتەر ءداۋىرىنىڭ كونە سۋ قۇبىرى تابىلدى».
ەسكە سالا كەتەيىك، بيىل قازاق حاندىعىنىڭ 550 جىلدىعىن مەرەكەلەۋ ەلىمىزدىڭ بارلىق ايماقتارىندا ءوتىپ جاتىر. 550 جىل بۇرىن تالاس پەن شۋ وزەندەرىنىڭ اراسىنداعى جايسان شاتقالىندا كەرەي مەن جانىبەك سۇلتاندار قازاق حاندىعىنىڭ نەگىزىن قۇرعان جامبىل وبلىسىندا 7,8,9- قازان كۇندەرى ايتۋلى شارالار وتەدى.
