يندونەزياداعى تابيعي اپات كەسىرىنەن مالايزيانىڭ مەكتەپتەرى جابىلۋدا

وعان كورشىلەس يندونەزيادا بەتى قايتپاي تۇرعان ورمان ءورتى سەبەپ.

ءتىلسىز جاۋدىڭ كەسىرىنەن ەلدى كوك ءتۇتىن باسقان. وسى رەتتە تىنىس الۋ اۋرۋلارىنا شالدىققان 135 مىڭ ادام مەديتسينالىق كومەككە جۇگىنىپتى.

جالپى ناسا ماماندارىنىڭ پايىمداۋىنشا، يندونەزيادا ءورشىپ تۇرعان بيىلعى قىزىل جالىننىڭ رەكوردتى كورسەتكىشكە جەتەتىن ءتۇرى بار. كۇنى بۇرىن وسىنىڭ كەسىرىنەن مالايزيانىڭ ءبىرقاتار اۋەجايىندا ساپارلار كەيىنگە شەگەرىلگەن بولاتىن.

ينجەنەر مۇحاممەد زايدي حاميد ءوزىنىڭ ساراۆاك شتاتىنان كەلگەنىن، جول الىس، سول سەبەپتى ۇشاققا بيلەت العانىن، الايدا اۋە ساپارلارى كەيىنگە شەگەرىلگەندىكتەن، ۇيگە قايتا الماي وتىرعانىن ايتتى.

www.24.kz