وزبەكستان جەزوكشەمەن كۇرەستىڭ وزگەشە جولىن تاپتى

ەندى ولاردى ۇستاعان جەرلەرىندە تۇگەل كولىككە تيەپ الىپ، جاپپاي ماقتا تەرۋگە اپارىپ جاتىر. بۇل تۋرالى «ازاتتىق» راديوسىنىڭ وزبەك رەداكتسياسى حابارلادى.

جەزوكشەلەردى ماقتالىق القاپقا جەتكىزگەن وسىنداي كەزەكتى ءبىر وپەراتسيا جونىندە جەرگىلىكتى ميليتسيا باستىعى ايتىپ بەردى.

قاراكول اۋداننىڭ تۇرعىنى اساد سالوموۆتىڭ ايتۋىنشا، بۇرىن جەزوكشەلىك تىرلىكتەرى ءۇشىن اكىمشىلىك تارتىپتىك جازاعا ۇشىراپ كەلگەن جەڭىل ءجۇرىستى ايەلدەردىڭ ماقتا پلانتاتسيالارىنا اكەلىنگەنىن جەتكىزدى. ونىڭ ايتۋىنا قاراعاندا، اۋداننىڭ كوپ قاباتتى ۇيلەرىندە نەگىزىنەن كۇيەۋلەرىنەن اجىراسىپ كەتكەن ايەلدەر تۇرادى. وتكەن اپتادا ۋچاسكەلىك ميليتسيونەر وسىندا ماحاللا پوسبوندارىمەن (وزىندىك ءتارتىپ ساقشىلارى) بىرگە كەلىپ، 40 تان استام كەلىنشەكتى ەرتىپ كەتكەن.

«مەن بالكوننان كورىپ تۇردىم. ولار بارلىق ايەلدەردى ساپقا تۇرعىزىپ قويىپ، ساناپ شىقتى. سوسىن اۆتوبۋسقا وتىرعىزىپ، ماقتالىققا الىپ كەتتى» ، - دەدى اساد سالوموۆ.

 بۇحارا وبلىستىق ىشكى ىستەر دەپارتامەنتىندەگى مانبە وبلىستا قازىرگى تاڭدا ماقتا تەرۋگە جەڭىل ءجۇرىستى ايەلدەردىڭ، ناشاقورلار مەن ماسكۇنەمدەردىڭ جاپپاي تارتىلىپ جاتقانىن ايتىپ بەردى. شامامەن بۇگىندە وسى ساناتقا كىرەتىن 800 گە جۋىق ادام ماقتا تەرۋگە قاتىستىرىلىپ جاتىر.

ras.kz