شەتەلدەگى قانداستار اراسىندا ونەر بايقاۋى وتەدى
بايقاۋدىڭ ماقساتى - قازاق حاندىعىنىڭ 550 جىلدىعىن مەرەكەلەۋدىڭ ءمانى مەن بۇگىنگى تاڭداعى تاريحي ماڭىزىن اشۋ؛ جاستاردى قازاقستاندىق پاتريوتيزمگە، وتان سۇيگىشتىككە تاربيەلەۋ؛ ەل مەن جەردىڭ تاريحىنا قۇرمەت سەزىمىن قالىپتاستىرۋ؛ وسكەلەڭ ۇرپاقتىڭ بويىنا ۇلتتىق رۋحتى ءسىڭىرۋ؛ قازاق حالقىنىڭ مادەنيەتى مەن سالتىن ناسيحاتتاۋ؛ «ماڭگىلىك ەل» ۇلتتىق يدەياسىن ناسيحاتتاۋ؛ شەتەلدەگى دارىندى قازاق جاستارىنىڭ شىعارماشىلىعىن ناسيحاتتاۋ.
قاتىسۋشىلار 20-35 جاس ارالىعىندا بولۋعا ءتيىس. ءمۇشايرا، تەرمە جانە كورمە سايىستارىنا قاتىسۋشى شەتەلدە تۇراتىن وتانداسىمىز بولۋى شارت. سونداي-اق، اۆتوردىڭ ءمۇشايراعا جانە كورمەگە جولداعان شىعارماسى بۇرىن ەش جەردە جاريالانباعان بولۋى كەرەك.
ءمۇشايرا تالاپتارى:
ءبىرىنشى ولەڭ - قازاق حاندىعىنىڭ تاريحى، تاريحي تۇلعالار بەينەسى، ەلدىك ماسەلەلەر تاقىرىبىندا بولۋى كەرەك.
ەكىنشى ولەڭ - شەتەلدەگى قانداستار تاعدىرى مەن كوشى-قون تۋرالى بولۋى ءتيىس.
ءۇشىنشى ولەڭ - ەركىن تاقىرىپتاعى ولەڭ، ءۇش ولەڭگە دە 3-5 مينۋت ۋاقىت بەرىلەدى جانە ءۇش ولەڭدە جوعارىدا كورسەتىلگەن تاقىرىپتار قامتىلۋى مىندەتتى.
تەرمە سايىسى تالاپتارى:
1. تەرمە - ەلدىككە شاقىراتىن، بىرلىككە باستايتىن، ۇلتجاندىلىق باعىتتاعى تەرمەدەن ءبىر تۋىندى ورىنداۋ (3-5 مينۋت)؛
2. تەرمە - ەركىن تاقىرىپتا تەرمە ورىنداۋ (3-5 مينۋت).
كورمە تالاپتارى:
1. تاقىرىپ بويىنشا كەسكىندەمە كولەمى 100*150 سانتيمەتردەن كەم نەمەسە ارتىق بولماۋى ءتيىس (ماتەريالدارى: مايلى بوياۋ، گۋاش، اكۆارەل، كەنەپ، كارتون، اق قاعاز).
2. تاقىرىپ بويىنشا گرافيكالىق شىعارما كولەمى 40*90 سانتيمەتر (ماتەريالدارى: وفورت، لينوگراۆيۋرا، ليتوگرافيا، ت. ب.) كوركەمدىك دەڭگەيى تالاپقا ساي، تاقىرىپقا مەيلىنشە لايىق بولۋى ءتيىس.
ءاربىر اۆتوردىڭ كوركەم شىعارماسى تالاپقا ساي بەزەندىرىلىپ (باگەت)، سانى 5-7 دانادان اسپاۋى كەرەك.
جەڭىمپازداردى ماراپاتتاۋ ءار سايىس بويىنشا
«باس جۇلدە» - بىرەۋ - 200000 (ەكى ءجۇز مىڭ) تەڭگە؛
1- ورىن - ەكەۋ - 150000 (ءجۇز ەلۋ مىڭ) تەڭگەدەن؛
2- ورىن - ەكەۋ - 120000 (ءجۇز جيىرما مىڭ) تەڭگەدەن؛
3- ورىن - ەكەۋ - 80000 (سەكسەن مىڭ) تەڭگەدەن؛
ىنتالاندىرۋ سىيلىعى - ۇشەۋ - 60000 (الپىس مىڭ) تەڭگەدەن.
وتىنىشتەر 2015-جىلدىڭ قازان ايىنىڭ 20- جۇلدىزىنا دەيىن قابىلدانادى.
aikyn.kz
