تالدىقورعاندا جىل مۇعالىمىنە اۆتوكولىك سىيعا بەرىلدى - فوتو

جەڭىمپازعا جاڭا جەڭىل اۆتوكولىكتىڭ كىلتى تابىس ەتىلدى. سالتاناتتى شاراعا الماتى وبلىسىنىڭ اكىمى اماندىق باتالوۆ قاتىستى.

بۇل تۋرالى الماتى وبلىسى اكىمىنىڭ باسپا ءسوز قىزمەتىنەن حابارلادى.

وبلىس باسشىسى ا. باتالوۆ ۇستازداردى كاسىبي مەرەكەسىمەن قۇتتىقتاي كەلە، وبلىستىڭ ءبىلىم بەرۋ سالاسىنا زور ءمان بەرىلۋى مەملەكەت قولداۋىنىڭ ارقاسىندا ەكەندىگىن اتاپ ءوتتى.

«وبلىستىڭ 737 جالپى ءبىلىم بەرۋ مەكەمەلەرىندە 34 مىڭنان استام ۇستاز وقۋشىلارعا ءبىلىم بەرۋدە. تاۋەلسىزدىك العان جىلدان بەرى وبلىس اۋماعىندا 162 ءبىلىم وشاعى ىسكە قوسىلدى. سوڭعى جىلدارى ۇزدىك مۇعالىمدەر وزدەرىنىڭ لاۋازىمدىق ەڭبەكاقىلارىنا 30-دان 100 پايىز عا دەيىن ۇستەمەاقى الادى»، - دەدى اماندىق باتالوۆ.

سونداي- اق اماندىق عابباس ۇلى وبلىستىڭ ءبىلىم سالاسىن قارجىلاندىرۋ كولەمى 2011 - جىلمەن سالىستىرعاندا 1,5 ەسەگە ارتقاندىعىن، بۇگىندە 109 ميلليارد تەڭگەدەن اسىپ تۇسكەندىگىن ايتىپ، ۇستازداردى قۇتتىقتادى.

«قۇرمەتتى ۇستازدار! اتاقتى ۇستاز لەۆ تولستوي ايتقانداي: «ۇستاز بولۋ - جوعارى ءارى يگى مارتەبە». قاي كەزدە بولماسىن ۇستاز ادامگەرشىلىك پەن مادەنيەتتىلىكتىڭ نىشانى بولعان. سىزدەردىڭ كوز جانارلارىڭىزدان مەيىرىمدىلىك پەن ۇلىلىقتىڭ نۇرى سونبەسىن. بارشاڭىزدىڭ قيىن دا مارتەبەلى ەڭبەكتەرىڭىزدە زور دەنساۋلىق، اماندىق جانە شىعارماشىلىق تابىس تىلەيمىن»، - دەدى.

وسىدان كەيىن ۇزدىك ۇستازدار ى. التىنسارين اتىنداعى توسبەلگىمەن، قۇرمەت گراموتالارىمەن، سونداي- اق بىرنەشە نوميناتسيالار بويىنشا ۇزدىك مۇعالىمدەر مەن ءبىلىم بەرۋ نىساندارى ماراپاتتالدى.

«ۇزدىك بالاباقشا» اتاعىنا قاپشاعاي قالاسىنىڭ «گۇلدەر» مەكتەپكە دەيىنگى ءبىلىم بەرۋ مەكەمەسى، «ۇزدىك اۋىلدىق مەكتەپ» اتاعىنا جامبىل اۋدانىنداعى شاعىن ورتالىعى بار ۇمبەتالى اتىنداعى ورتا مەكتەپ، «ۇزدىك كاسىپتىك ءبىلىم بەرۋ مەكەمەسى» اتاعىنا تالدىقورعان اگرو- تەحنيكالىق كوللەدجى لايىق دەپ تانىلدى. بارلىق 3 نوميناتسيا يەگەرلەرىنىڭ ءارقايسىسىنا 300 مىڭ تەڭگەنىڭ سەرتيفيكاتتارى تابىستالدى.

«ۇزدىك سىنىپ جەتەكشىسى» اتاعىن كەربۇلاق اۋدانىنىڭ ج. توباياقوۆ اتىنداعى ورتا مەكتەبىنىڭ مۇعالىمى بۇدجىبايەۆ داۋلەت يەلەنىپ، 150 مىڭ تەڭگەنىڭ سەرتيفيكاتىنا يە بولدى. 15,9 ميلليون تەڭگە كولەمىندەگى وقۋ گرانتى مەن «ۇزدىك ءبىلىم ۇجىمى» اتاعى ەسكەلدى اۋدانىنداعى جەتىسۋ ورتا مەكتەبىنە بەرىلدى.

شارا بارىسىندا «2015 -جىلدىڭ ەڭ ۇزدىك مۇعالىمى» اتاعىنىڭ يەگەرى زارينا ءتۇسىپجانوۆا بارلىق پەداگوگتاردى كاسىبي مەرەكەسىمەن قۇتتىقتاپ، كورسەتىلگەن قولداۋ ءۇشىن العىسىن ءبىلدىردى.

«ەلباسى نۇرسۇلتان ءابىش ۇلى نازاربايەۆتىڭ جۇرگىزىپ وتىرعان ساياساتىنىڭ ارقاسىندا ءبىزدىڭ ەلىمىزدە مۇعالىمدەردىڭ كاسىبي جەتىلۋى مەن وسۋىنە بارلىق جاعداي جاسالۋدا. ەڭ باستىسى - ءوز ىسىڭە، ءوزىڭ ءبىلىم بەرىپ جۇرگەن شاكىرتتەرىڭە دەگەن سۇيىسپەنشىلىك جانە ءاردايىم ىزدەنىستە بولۋ. ۇستاز بولۋ وڭاي ءىس ەمەس، الايدا سەن ۇستاز بولۋعا تالپىنساڭ، توككەن تەرىڭ مەن سىڭىرگەن ەڭبەگىڭنىڭ جەمىسى ءوزىن كوپ كۇتتىرمەسى انىق. وقۋشىلارىڭ ءوز ۇستازىنان العان ءبىلىمىن جەتىلدىرىپ، وزدەرى دە وزگەلەرگە ۇستاز بولادى. مىنە سوندىقتان دا مەن ءمۇعالىم بولعاندىعىمدى ماقتان تۇتامىن جانە ماعان ارتىلعان سەنىم مەن كورسەتىلگەن قۇرمەت ءۇشىن بارشاڭىزعا العىس بىلدىرەمىن. الداعى ۋاقىتتا دا ەل يگىلىنە قىزمەت ەتىپ، ءالى تالاي وسكەلەڭ ۇرپاقتى تاربيەلەۋ جولىندا ەڭبەگىمدى اياماسىما ءسوز بەرەمىن» ، - دەدى ز. ءتۇسىپجانوۆا.

وسى ءبىر شارا كەرەمەت كونسەرتتىك باعدارلامامەن جالعاسىپ، بۇلدىرشىندەر حورىنىڭ ورىنداۋىنداعى «ۇستازىم» انىمەن ءوز شارىقتاۋ شەگىنە جەتتى.