قازاقستاندىق بىتىمگەرشى اسكەري قىزمەتشىلەر - ارمەنيادا - فوتو
ەرەكشە نازار بىتىمگەرشىلىك وپەراتسيادا ولاردىڭ تاپسىرمالاردى ورىنداۋى بويىنشا بەلسەندى ءىس- قيمىلدار ءۇشىن ۇ ق ش ۇ مۇشە مەملەكەتتەرى بىتىمگەرشىلىك كونتينگەنتتەرىنىڭ جاۋىنگەرلىك ۇيلەسىمدىلىگىن جەتىلدىرۋگە ءبولۋ جوسپارلانۋدا، دەپ حابارلايدى ق ر ق م باسپا ءسوز قىزمەتى.
«مىزعىماس باۋىرلاستىق-2015» وقۋ- جاتتىعۋىنىڭ نەگىزگى ماقساتى ءوزارا تۇسىنۋشىلىكتى نىعايتۋ جانە ۇ ق ش ۇ مۇشە مەملەكەتتەرىنىڭ بىتىمگەرشىلىك كونتينگەنتتەرى اراسىنداعى ىنتىماقتاستىق، بىتىمگەرشىلىك وپەراتسيانى دايىنداۋ جانە بىتىمگەرشىلىك مىندەتتەردى ورىنداۋ بارىسىندا ۇ ق ش ۇ- نىڭ بۇك بولىمدەرىن (بولىمشەلەرىن) باسقارۋدى دايىنداۋ بويىنشا جۇمىستا بارلىق دارەجەدەگى كومانديرلەر مەن شتابتاردىڭ پراكتيكالىق شەبەرلىگى مەن كومانديرلەردىڭ ماشىعىن ارتتىرۋ بولىپ تابىلادى.
ۇ ق ش ۇ ۇجىمدىق بىتىمگەرشىلىك كۇشتەرىنىڭ كونتينگەنتتەرى وقۋ- جاتتىعۋدىڭ ءبىرىنشى كەزەڭىنە كىرىستى. ونىڭ بارىسىندا بىتىمگەرشىلىك مىندەتتەردى ورىنداۋعا اسكەري باسقارۋ ورگاندارى مەن بولىمشەلەردى دايىنداۋ ماسەلەلەرى پىسىقتالدى.
بۇدان باسقا اتىس، اسكەري- مەديتسينالىق، ينجەنەرلىك دايارلىق بويىنشا پراكتيكالىق ساباقتار وتەدى. ونىڭ بارىسىندا «مايلس» لازەرلىك جۇيەسىنىڭ تاكتيكالىق- تەحنيكالىق سيپاتتاماسى جانە ونىڭ قولدانىلۋى بويىنشا مىندەتتەردى ورىنداۋ ەرەكشەلىكتەرى جەتكىزىلەدى، سونداي- اق اسكەري- دالالىق گوسپيتالدىڭ ورىستەتىلۋى كورسەتىلەدى.
ساباق بارىسىندا حالىقارالىق ىزگىلىك قۇقىعى بويىنشا ماسەلەلەردى قىزىل كرەست حالىقارالىق كوميتەتىنىڭ وكىلدەرى قوزعايدى.
سونىمەن بىرگە، قازاقستاندىق بىتىمگەرشىلەر ارمەنيا، بەلارۋس، قىرعىزستان جانە رەسەي قارۋلى كۇشتەرى كونتينگەنتتەرىنىڭ جەكە قۇرامىمەن بىرلەسىپ وقۋ- جاۋىنگەرلىك تاپسىرمالاردى ورىندايتىن بولادى.
ەسە ساالا كەتسەك، «مىزعىماس باۋىرلاستىق» بىتىمگەرشىلىك كۇشتەرىنىڭ وقۋ- جاتتىعۋى 2012 - جىلدان باستاپ جىل سايىن وتكىزىلىپ تۇرادى. العاش رەت قازاقستاندا 2012 - جىلعى 8-17 - قازاندا ءوتتى.
