قازاقستاندا استىق تاسىمالدايتىن ۆاگونداردىڭ تاپشىلىعى جوق

«ەگەر دە 3-5 جىل بۇرىن ەلىمىزدەگى فەرمەرلەردىڭ استىعىن تاسىمالداۋدا پروبلەماسى وزەكتى بولسا، قابىلدانعان شارالاردىڭ ارقاسىندا استىق تاسىمالدايتىن ۆاگونداردىڭ پاركى ارتىپ، بۇل پروبلەما تولىقتاي شەشىلدى»، - دەيدى ق ت ج وكىلدەرى.

اتاپ ايتقاندا، پاركتەردىڭ شۇعىل باسقارۋ جۇيەسىندە ءبىر مەزگىلدە ءتۇرلى مودەلدەر بويىنشا  8-8,5 مىڭ استىق تاسىمالدايتىن ۆاگون بار.

ەستەرىڭىزگە سالا كەتەيىك، استىق جانە ۇن ەكسپورتى بويىنشا قازاقستاننىڭ ەلەۋلى الەۋەتى بار. وسى ورايدا جىل سايىن ەلىمىز ورتاشا العاندا 6-8 ميلليون توننا استىق ەكسپورتتايدى.

ق ت ج مالىمەتىنشە، قازىرگى جاعدايدا قازاقستان استىعىنىڭ نەگىزگى تۇتىنۋشىلارى رەتىندە تاياۋ شىعىس جانە ورتالىق ازيا ەلدەرى الدىڭعى ورىندا، ياعني بۇل وڭىرلەر بارشا ەكسپورت كولەمىنىڭ 70 پايىزىن قابىلدايدى. 2015 - جىلدىڭ باسىنان بەرى تەمىر جولمەن ەكسپورتتالعان 2,6 ميلليون توننا استىقتىڭ 61 پايىزى وزبەكستان، تاجىكستان جانە قىرعىزستاننىڭ ەنشىسىندە.  

 اۆتور:   رۋسلان عابباسوۆ