سيىر ەتىن جەگەن ءۇندى ازاماتىن تاسپەن اتىپ ءولتىردى

دۇيسەنبىگە قاراعان ءتۇنى ەر ادامدار توبى 50 جاستاعى مۇحاممەد احلاكقا (Mohammad Akhlaq) تەپكىنىڭ استىنا الدى، ودان كەيىن تاسپەن اتقىلاپ ءولتىردى.

شابۋىل سالدارىنان سونداي-اق ونىڭ 22 جاستاعى ۇلى اۋىر جاراقاتتانعان. پوليتسەيلەر ادامدى ءولتىرۋ وقيعاسى ءدىني سيپاتتا بولعانىن انىقتادى.

The Indian Express گازەتىنىڭ حابارلاۋىنشا، جەرگىلىكتى شەنەۋنىكتەردىڭ ءبىرىنىڭ ايتۋىنا قاراعاندا، «جەرگىلىكتى تۇرعىنداردىڭ اراسىندا احلاكتىڭ سيىرلاردى سويىپ، ونىڭ ەتىن ءوز ۇيىندە ساقتاعانى تۋرالى اڭگىمە جايىلىپ كەتكەن». پوليتسيانىڭ اقپاراتىنشا، بۇل وسەك-اياڭ جەرگىلىكتى عيباداتحانالاردىڭ بىرىندە تاراتىلدى.

الايدا قازا تاپقان ازاماتتىڭ وتباسى ۇيلەرىندەگى توڭازىتقىشتا سيىر ەتىن ەمەس، قوي ەتىن ساقتاپ جۇرگەنىن ايتقان. پوليتسيا ەتتى ساراپتاماعا جىبەردى. ادام ءولتىرۋ كۇدىگىمەن التى ادام قاماۋعا الىندى، دەپ حابارلايدى BBC.