ا ق ش- تا پوليتسەي بولىپ ىستەيتىن قازاق جىگىتى ەرلىك جاسادى

پوليتسەي ءوزىن باتىرمىن دەپ ەسەپتەمەيدى، ونىڭ ايتۋىنشا، جاعداي تىم شۇعىل بولعاندىقتان شەشىم دە اياقاستى قابىلدانعان. جەكسەنبى، 27 -قىركۇيەك كۇنى كەشكە دانياردىڭ كەزەكشىلىگى كەزىندە برۋكليندەگى مەترو ستانتسياسىنىڭ بىرىندە ءبىر ايەلدىڭ تولعاعى باستالعانى تۋرالى حابار تۇسكەن.

«ديسپەتچەر ايەلدىڭ مەن كەزەكشىلىك ەتىپ وتىرعان ستانسيادا ەكەنىن ايتتى. الايدا مەن تومەنگە ءتۇسىپ، سۋرەتتەلگەن ادامعا ۇقساس ەشكىمدى تاپپادىم. كەيىن جوعارىعا، كوشەگە قاراي كوتەرىلىپ ءبىر فەلدشەردى كوردىم، ول سول ايەلدىڭ ارتىندا كەتىپ بارا جاتتى»، - دەيدى ول.

كوشەگە شىققان سوڭ فەلدشەر ەكەۋى ستانتسياعا جاقىن ماڭداعى كوشەدەن جۇكتى ايەلدى تاۋىپ الدى، ول كارتوندى قوراپتىڭ ۇستىندە جىلاپ، كومەك سۇراپ جاتىپتى. ء"بىز جاقىنداعان ساتتە بالا شىعىپ كەلە جاتتى، ءبىراق باقىتقا وراي فەلدشەر ونى ۇستاپ ۇلگەردى. ۇلگەرگەنىمىز ءۇشىن باقىتتىمىن»، - دەيدى قازاق پوليتسەي.

نۇرتازانىڭ ايتۋىنشا، سول وقيعادان كەيىن اينالاداعىلار ونىمەن قالجىڭداسا باستاعان. «ولار ايەلدەرىمىز بوساناتىن بولسا حابارلاسامىز دەيدى. بارلىعىنىڭ جاقسى اياقتالعانى ءۇشىن قۋانىشتىمىن. اناسى مەن بالاسىنىڭ جاعدايى جاقسى. بۇل ەڭ باستىسى»، - دەيدى ول.

دانياردىڭ ا ق ش- قا وتباسىمەن بىرگە 2002 -جىلى كوشىپ بارعانى انىقتالدى. تۋريزم مەن حالىقارالىق ماركەتينگ سالاسىندا ەكى جوعارى ءبىلىمى بار جىگىت 2008 -جىلى شتاتتا ازاماتتىققا قول جەتكىزىپتى. «2005 -جىلى اۋە كومپانياسىنا جۇمىسقا كىردىم. بەس جىلدان كەيىن تۋريستىك فيرمامدى اشىپ، بوس ۋاقىتىم بولا باستادى. وسىندا كوشىپ كەلگەننەن كەيىن مۇنداعى قۇقىق قورعاۋ ورگاندارىنىڭ قىزمەتكەرلەرىنە دەگەن قۇرمەتتى بايقادىم. ول ماعان قاتتى اسەر ەتىپ، شتاتقا كەلگەن ساتتەن باستاپ پوليتسەي بولۋدى ارمانداي باستادىم»، - دەدى ول.

اقىرى 2010 -جىلى نۇرتازا پوليتسيا بولىمشەسىنە تۇيىندەمەسىن قالدىرىپتى، تەكسەرۋلەر مەن تەستتەر اياقتالعاننان كەيىن، ياعني ءتورت جىل وتكەندە ول ءتارتىپ ساقشىلارىنىڭ قاتارىنا قوسىلعان. «جۇمىس ىستەگەن 10-ايدىڭ ىشىندە مۇنداي ەرەكشە وقيعا ءبىرىنشى رەت بولىپ تۇر. تاعى ءبىر مىناداي وقيعا بولعان، ارىپتەسىم ەكەۋمىز ءۇش قۇقىق بۇزۋشىنى ۇستادىق. قولىمىزدا تاپانشا بولسا دا ولارعا ءالىمىز كەلمەدى. قوسىمشا كۇشتى شاقىرتقاننان كەيىن، ءبىر (!) مينۋتتىڭ ىشىندە 10 پوليتسەيدەن تۇراتىن جاساق كەلدى. ول ا ق ش- تاعى پوليتسيا جۇمىسىنىڭ جۇيەسىنە قاتىستى كەرەمەت اسەر قالدىردى»، - دەپ ءسوزىن اياقتادى دانيار نۇرتازا.