بۇرىنعى ءمينيستردىڭ ديپلومى جالعان بولىپ شىقتى
بۇرىنعى جوعارى لاۋازىمدى شەنەۋنىك پروكۋرورلىق تەكسەرىس ناتيجەلەرىمەن داۋلاسقانىمەن سوتتا جوعارى ءبىلىم العانىن دالەلدەي المادى. رەسپۋبليكا پروكۋرورى ورىنباسارىنىڭ ارىزى بويىنشا ۋلان- ۋدە قالاسى سوۆەت اۋداندىق سوتى جارگال دوندۋپوۆتىڭ جوعارى ءبىلىم جونىندەگى ديپلومىن زاڭسىز دەپ تاپتى.
ديپلوم رەسەيدىڭ حالىقتار دوستىعى ۋنيۆەرسيتەتىنەن «زاڭگەر» ماماندىعى بويىنشا الىنعان. دوندۋپوۆ سىرتتاي، قىسقارتىلعان وقۋ مەرزىمىندە ءبىلىم العاندىقتان، تولىق كۋرستى مەڭگەرمەگەن دەگەن سوت ونىڭ ديپلومىن زاڭسىز دەپ تاپتى.
الايدا، دوندۋپوۆتىڭ جالعان ديپلومدى پايدالانۋ بويىنشا قىلمىستىق ءىس قوزعالعان جوق. ويتكەنى، ونى قىلمىستىق ىسكە تارتۋ مەرزىمى ءوتىپ كەتكەن، دەپ حابارلادى بۋرياتيا پروكۋراتۋراسىنىڭ باسپا ءسوز قىزمەتىنەن.
