02:13, 13 - قىركۇيەك 2015 | GMT +5
الماتى وبلىسىندا تەگىن ينۆاتاكسي قىزمەت كورسەتە باستادى
استانا. قازاقپارات - الماتى وبلىسى كەربۇلاق اۋدانىندا ينۆاتاكسي قىزمەتى مۇقتاج جاندارعا تەگىن قىزمەت كورسەتۋدە. ارنايى اۆتوكولىكتى ساتىپ الۋعا قاجەتتى قاراجاتتى وبلىس اكىمدىگى ءبولدى، دەپ حابارلايدى ۆەدومستۆونىڭ باسپا ءسوز قىزمەتى.
ينۆاتاكسي جۇمىسىنىڭ ارقاسىندا مۇمكىندىگى شەكتەۋلى ازاماتتاردىڭ ءوز جۇمىس ورىندارىنا، حالىققا قىزمەت كورسەتۋ ورىندارىنا جانە وزگە دە قاجەتتى ورىندارعا جايلى ءارى تەگىن جەتۋىنە جاعداي جاسالدى.
ينۆاتاكسي قىزمەتىن پايدالانۋ ءۇشىن، كەربۇلاق اۋدانى، سارىوزەك اۋىلىندا ورنالاسقان وبلىستىق «دوس» مۇگەدەكتەر قوعامداستىعى» بىرلەستىگىنە جۇگىنىپ، مۇمكىنشىلىگى شەكتەۋلى ازاماتتاردى اۆتوموبيل كولىكتەرىندە تاسىمالداۋ قىزمەتىن كورسەتۋ ەرەجەلەرىندە قاراستىرىلعان قۇجاتتار ءتىزىمىن جيناقتاۋ قاجەت.
