ا. مىرزاحمەتوۆ شارۋا قوجالىقتارى، قىزىلشا، جۇگەرى جانە كارتوپ القاپتارىن ارالادى - الماتى وبلىسى

استانا. قازاقپارات - بۇگىن الماتى وبلىسى اكىمى اماندىق باتالوۆتىڭ توراعالىعىمەن تالدىقورعان قالاسىنداعى ءى. جانسۇگىروۆ اتىنداعى مادەنيەت ۇيىندە «نۇر وتان» پارتياسىنىڭ وبلىستىق فيليالىنىڭ اكتيۆىمەن كەزدەسۋ ءوتتى.

كەزدەسۋگە الماتى وبلىسىنا جۇمىس ساپارىمەن كەلگەن «نۇر وتان» پارتياسى ءتوراعاسىنىڭ ءبىرىنشى ورىنباسارى اسقار مىرزاحمەتوۆ قاتىستى، دەپ حابارلادى zhetysu.gov.kz.

«نۇر وتان» پارتياسىنىڭ وبلىستىق فيليالى ءتوراعاسىنىڭ ءبىرىنشى ورىنباسارى سەرىك مۇقانوۆ ءوز بايانداماسىندا پارتيا فيليالىنىڭ قىزمەتى مەن اتقارىلعان جۇمىستار تۋرالى باياندادى. سونداي- اق، كەزدەسۋ بارىسىندا پارتيانىڭ اۋداندىق فيليالدارىنىڭ مۇشەلەرى ءسوز سويلەدى. باياندامالاردىڭ نەگىزگى تاقىرىپتارى باستاۋىش پارتيا ۇيىمدارىنىڭ ماڭىزدىلىعى، پارتيالىق باقىلاۋدىڭ جاڭا امالدارى، جاستار باعدارلامالارىن جۇزەگە اسرىۋ، دەپۋتاتتىق فراكتسيا مۇشەلەرىنىڭ جۇمىسىن جانداندىرۋ جانە وزگە دە وزەكتى ماسەلەلەرگە ارنالدى.

«نۇر وتان» پارتياسى ءتوراعاسىنىڭ ءبىرىنشى ورىنباسارى اسقار مىرزاحمەتوۆ ءوز سوزىندە پارتيا جۇمىسىنىڭ باسىم باعىتتارىنىڭ ءبىرى جاستار ساياساتىن قولداۋعا باعىتتالاتىندىعىن ايتىپ، پارتيا قىزمەتىنىڭ نەگىزگى باعىتتارى مەن الداعى ۋاقىتقا قويىلعان ماقساتتارىن ايقىنداپ بەردى.

كەزدەسۋدەن كەيىن «نۇر وتان» پارتياسى ءتوراعاسىنىڭ ءبىرىنشى ورىنباسارىنىڭ جۇمىس ساپارى «حيلنيچەنكو ي ك» كومانديتتىك سەرىكتەستىگىنە جول تارتتى. كاسىپورىندا ا. مىرزاحمەتوۆ سەرىكتەستىك جانىنان قۇرىلعان پارتيالىق توپتاردىڭ باسشىلارىمەن كەزدەسىپ، مەملەكەتتەگى جۇرگىزىلىپ جاتقان رەفورمالار مەن جاڭا ەكونوميكالىق تالاپتار جاعدايىندا شاعىن جانە ورتا بيزنەستى دامىتۋ جايىن تالقىلادى. سونداي- اق، اۋدانداعى شارۋاشىلىق قوجالىقتارىن، قىزىلشا، جۇگەرى جانە كارتوپ القاپتارىن ارالادى.