استانادا «الاۋ» مۇز ايدىنى سارايىنداعى بۇقارالىق سىرعاناۋدىڭ جاڭا ماۋسىمى اشىلۋعا جاقىن - فوتو

بۇقارالىق سىرعاناۋلار سەنبى كۇنى باستالادى جانە ءبىرقاتار جاقسى جاڭاشىلدىقتار ەنگىزىلگەن. جاڭا ماۋسىمدا قوناقتار بۇرىنعى باعا بويىنشا سىرعاناۋ سەانستارىنا قاتىسا الادى. مۇز ايدىنىندا ەكى ساعات سىرعاناۋدىڭ باعاسى 250 تەڭگەدەن باستالادى. كەشكى سەانستىڭ قۇنى 1500 تەڭگەدەن جوعارى بولمايدى.

اتاپ ءوتۋ كەرەك، ەندى «الاۋ» مۇز ايدىنى سارايىنداعى بۇقارالىق سىرعاناۋلار دۇيسەنبىدەن باسقا كۇندەردىڭ بارلىعىندا جۇرگىزىلەدى. استانالىقتاردىڭ سۇراۋى بويىنشا كۇندەلىكتى ءۇش ساعاتقا سوزىلاتىن كەشكى ساعات 19:00-دەن باستالاتىن ءبىر سەانس قوسىمشا ەنگىزىلىپ وتىر. سونىمەن قاتار، ستۋدەنتتەرگە ارنالعان جەڭىلدىكتەر قاراستىرىلعان كۇندەر ۇزارتىلادى.

جاڭا 5- ماۋسىمدا مۇز سارايىنىڭ قوناقتارى ەسكى باعا بويىنشا كونكي تەبۋگە قاتىسا الادى. بۇل جەڭىلدىكتەرگە ولار بارلىق كۇندەردە يە بولا الادى.

كاسىبي سپورت باعىتىندا ۇلكەن وزگەرىستەر قاراستىرىلماعان. جازعى جوبالاردىڭ سان الۋاندىعىنا قاراماستان (ۇستەل تەنيسىنىڭ مارافونى، روليكودروم، دزيۋدو بويىنشا الەم چەمپيوناتى)، «الاۋ» مۇز ايدىنى سارايىنىڭ باستى ماقساتى - كونكي سپورتى تۇرلەرىمەن اينالىساتىن سپورتشىلارعا مەكەن بولۋ بولىپ تابىلادى. كونكي سپورتىنىڭ ۇلتتىق قۇراماسى بۇگىنگى تاڭدا ءوز جاتتىعۋ جۇمىستارىن باستاپ كەتتى، ال، قازان ايىنىڭ سوڭىندا «الاۋ» مۇز سارايىندا كونكي تەبۋدەن قازاقستان چەميوناتى وتەدى. سونداي- اق، شورت- ترەك پەن كونكي سپورتى سەكسياسىنا بالالاردى قابىلداۋ جالعاسۋدا.