بيكەن ريموۆا اتىنداعى دراما تەاترىنىڭ اكتەرلەرى ەلوردالىق كورەرمەندەرگە «حان كوتەرۋ» ءراسىمىن كورسەتتى - فوتو
الماتى وبلىسىنىڭ استانا قالاسىنداعى قازاق حاندىعىنىڭ 550 -جىلدىعىن اتاپ وتۋگە قاتىستى دايىنداعان باعدارلاماسى ءوزىنىڭ ارتۇرلىلىگىمەن جانە ەرەكشەلىگىمەن كوپشىلىكتىڭ كوزايىمىنا اينالدى. الماتى وبلىسى ورنالاسقان اۋماقتىڭ كىرە بەرىسىنە قويىلعان اۋداننان ارنايى اكەلىنگەن «التىن ادام» ءمۇسىنى قالا تۇرعىندارى مەن قوناقتارىن بەي- جاي قالدىرماعانى انىق. وبلىس تىككەن 3 كيىز ءۇيدىڭ تۇسىندا ەڭبەكشى اۋدانىنان كەلگەن قۇسبەگىلەر بۇركىتتەرىن، ال قاراساي، ىلە اۋداندارى مەن تالدىقورعان قالاسىنان كەلگەن قولدانبالى قولونەردىڭ 30 شەبەرى ءوز قولدارىمەن جاساعان 600 دەي ءتۇرلى بۇيىمدارىمەن جينالعانداردى ءتانتى ەتتى. كورمەنىڭ ءبىر ەرەكشەلىگى قىزىققان جاندار بۇيىمداردى تەك قانا ساتىپ الىپ قانا قويماي، شەبەرلەردىڭ قولىمەن ءوز اتتارىن اشەكەي بۇيىمدارعا ارنايى جازعىزۋ مۇمكىندىگىنە يە بولدى.
سونداي- اق م. تىنىشبايەۆ اتىنداعى تاريحي- ولكەتانۋ مۇراجايىنىڭ ەكسپوناتتارى مەن ءوڭىردىڭ قىلقالام شەبەرلەرىنىڭ تۋىندىلارى تالدىقورعان قالاسىنىڭ كوتەرگەن كيىز ءۇيىنىڭ ىشىندە جانە ونىڭ ماڭىندا ورناتىلعان شاتىردىڭ استىندا قويىلدى. مۇندا ءاربىر جان جەتىسۋ ءوڭىرىنىڭ تاريحى مەن تابيعي ەرەكشەلىكتەرىمەن ءجىتى تانىسا الدى.
وسى مەرەكەلىك شارانىڭ سوڭى ساندىك- قولدانبالى ونەردىڭ كورمە- جارمەڭكەسىمەن جانە الماتى وبلىسىنىڭ ەڭ ۇزدىك ارتىستەرى دايىنداعان كونتسەرتتىك باعدارلاماسىنا ۇلاستى. 
