انگەلا مەركەل: ب ۇ ۇ- نىڭ قاۋىپسىزدىك كەڭەسىن رەفورمالاۋ قاجەت
قازىر قاۋىپسىزدىك كەڭەسىنىڭ 15 مۇشەسى بار، ولاردىڭ 5-ەۋى قىتاي، فرانسيا، رەسەي، ا ق ش پەن ۇلى بريتانيا تۇراقتى مۇشە رەتىندە ۆەتو قويۋ قۇقىعىنا يە. قالعاندارى 2 جىلدىق مەرزىمگە سايلانادى. بىرىككەن ۇلتتار ۇيىمىنىڭ مۇشەلەرى قاۋىپسىزدىك كەڭەسىنىڭ قۇرامىن كەڭەيتۋگە قاتىستى بىرنەشە رەت باستاما كوتەرگەن بولاتىن، ءبىراق ولاردىڭ بۇل ارەكەتى باياندى بولمادى. سوڭعى رەفورما 1963 - جىلى جاسالىپ، مۇشەلەر سانى 11-دەن 15 ەلگە دەيىن ۇلعايتىلدى.
انگەلا مەركەل، گەرمانيا كانسلەرى:
- بىزگە پروبلەمالاردى شەشۋدىڭ جاڭا ءادىسى كەرەك. بۇل ءۇشىن قاۋىپسىزدىك كەڭەسىن قايتا قۇرىپ، الەمدەگى كۇشتەردى قازىرگى قالپىنا قاراعاندا تيىمدىرەك ورنالاستىرعان ءجون. ءبىز عانا ەمەس، كوپتەگەن باسقا ەل دە قاۋىپسىزدىك كەڭەسىنىڭ قۇرىلىمى مەن جۇمىس تاسىلدەرىمەن كەلىسپەي وتىر.
