نيۋ- يوركتە باتىرحان شۇكەنوۆتىڭ ۇلى ق ر پرەزيدەنتىنە اكەسىنىڭ ولەڭدەر جيناعىن تارتۋ ەتتى

ەلباسىن ا ق ش ج و و- لارىندا «بولاشاق» باعدارلاماسى بويىنشا ءبىلىم الىپ جۇرگەن قازاقستاندىق ستۋدەنتتەر ءبىرىنشى بولىپ قارسى الدى، دەپ حابارلايدى «حابار» اگەنتتىگى.

نيۋ- يورك جانە كولۋمبيا ۋنيۆەرسيتەتتەرىندە وقىپ جۇرگەن بولاشاقتىقتار، سونداي- اق نيۋ- يوركتەگى اتاقتى كينو ونەرى اكادەمياسى (New York Film Academy) مەن دجوردج ۆاشينگتون ۋنيۆەرسيتەتىنىڭ ستۋدەنتتەرى مەملەكەت باسشىسىنا وزدەرىنىڭ جەتىستىكتەرى تۋرالى ايتىپ بەردى. قازاقستان پرەزيدەنتى ولارعا ساباقتى جاقسى وقىپ، العان بىلىمدەرىن ءبىزدىڭ ەلىمىزدىڭ يگىلىگى ءۇشىن قولدانۋعا شاقىردى.

امەريكادا ءبىلىم الىپ جۇرگەن قازاقستاندىق جاس ازاماتتاردىڭ اراسىندا باتىرحان شۇكەنوۆتىڭ ۇلى ماقسۇت تا بولدى. ول نۇرسۇلتان نازاربايەۆقا اكەسىنىڭ ولەڭدەرى توپتاستىرىلعان ءان ديسكىسىن تارتۋ ەتتى.

 قازاقستان مەملەكەت باسشىسىنىڭ نيۋ- يورك قالاسىندا بولۋ باعدارلاماسى وتە مازمۇندى. مەملەكەت باسشىسى ب ۇ ۇ- نىڭ شتاب- پاتەرىندە پوست-2015 سامميتىندە، باس اسسامبلەيانىڭ مەرەيتويلىق 70- سەسسياسىنداعى مەرەيتويلىق پىكىرتالاستاردا ءسوز سويلەيدى دەپ جوسپارلانعان، سونداي- اق شەت ەلدەردىڭ باسشىلارى جانە ۇكىمەت باسشىلارى، ا ق ش- تىڭ جەتەكشى كومپانيالارىنىڭ باسشىلارىمەن كوپتەگەن كەزدەسۋلەر وتەدى. سونداي- اق، قازاقستان پرەزيدەنتى زورلىق- زومبىلىق ەكسترەميزمىنە قارسى كۇرەس سامميتىنە دە قاتىسادى دەپ كۇتىلىپ وتىر.

 فوتو: مايرا ابدراحمانوۆا