قازاقستان مەن ق ح ر باسشىلارىنىڭ تۋعان اۋىلدارىن باۋىرلاس ەلدى مەكەن ەتۋ ۇسىنىلدى - فوتو

تاراز. قازاقپارات - الماتى وبلىسى قاراساي اۋدانى ءۇشقوڭىر اۋىلى مەن قىتايدىڭ شانشي پروۆينتسياسىنداعى فۋپين ۋەزى باۋىرلاس اتانۋى مۇمكىن.

بۇل تۋرالى «قازاقستان دۇنگەن قاۋىمداستىعى» ەتنومادەني بىرلەستىگىن باسقاراتىن «جاڭا جىبەك جولى» حالىقارالىق اكادەمياسى» ق ق پرەزيدەنتى، ەكسپەديتسيا قاتىسۋشىسى حۋسەي داۋروۆ حابارلادى.

ەسكە سالا كەتەيىك، 2014-جىلعى 19- قىركۇيەكتە ەجەلگى ساۋدا جولدارى بويىنشا شيان قالاسىنان «قىتاي-قازاقستان: ۇلى جىبەك جولىنىڭ شاي مادەنيەتى» دوستىق جانە ىنتىماقتاستىق كەرۋەنى شىققان. اۋقىمدى اكسيا ق ح ر ءتوراعاسى شي جينپيڭنىڭ جىبەك جولى ەكونوميكالىق بەلدەۋىن قۇرۋ تۋرالى باستاماسىنا قولداۋ رەتىندە ۇيىمداستىرىلدى.

«22- قىركۇيەكتە كەرۋەندى ءۇشقوڭىردا پرەزيدەنتىمىز ن. نازاربايەۆتىڭ جەرلەستەرى قارسى الدى»، - دەدى «قازاقپارات» ح ح ا تىلشىسىنە تەلەفون ارقىلى ەكسپەديتسيا قاتىسۋشىسى ح. داۋروۆ.

كەرۋەن فۋپين قالاسىنان ق ح ر ءتوراعاسى شي جينپيڭنىڭ جەرلەستەرىنەن ەستەلىك سىيلىقتار مەن ىستىق سالەمدەمە اكەلدى. ەكى ەل كوشباسشىلارى دۇنيەگە كەلگەن ەكى اۋىل اراسىندا تۋىستىق قاتىناستى جانە ىنتىماقتاستىقتى رەتتەۋ ۇسىنىلدى.

سازدان جاسالعان اسكەردىڭ سۋۆەنير كوشىرمەلەرى، باعالى فۋتسا شايى سىيلىق رەتىندە جەتكىزىلدى. «قازاقستان پرەزيدەنتىنىڭ مۇراجايىنا، تاراز مۇراجايىنا سازدان جاسالعان اسكەرلەر قازبالارىن جۇرگىزۋ بارىسىندا تابىلعان كۇيمەنى سىيعا تارتۋدى جوسپارلاپ وتىرمىز»، - دەدى ح. داۋروۆ.

5 مىڭ شاقىرىمدىق ساياحاتتى ۇيىمداستىرۋشىلار - قازاقستان دۇنعاندار قاۋىمداستىعى مەن ق ح ر، شيان «ي- زە فۋتسا» كومپانياسى. جوباعا قازاقستان تاراپىنان الماتى وبلىسىنىڭ كاسىپكەرلەر پالاتاسى مەن «جاڭا جىبەك جولى» مادەني جانە ەكونوميكالىق ىنتىماقتاستىقتىڭ حالىقارالىق اكادەمياسى» قولداۋ كورسەتتى.

شارانى ۇيىمداستىرۋشىلار - شيان قالاسىنىڭ اكىمشىلىگى، الماتى جانە جامبىل وبلىستارىنىڭ، الماتى قالاسىنىڭ اكىمدىكتەرى.