ساۋد ارابياسىنىڭ ىشكى ىستەر ءمينيستىرى مەككەدەگى قايعىلى وقيعانىڭ سەبەبىن ايتتى
بۇنداي پىكىردى ەلدىڭ ىشكى ىستەر ءمينيستىرىنىڭ وكىلى گەنەرال فەيسال ات- تۋركي مالىمدەدى، دەپ حابارلايدى ت ا س س.
«قايعىلى جاعدايدىڭ ورىن الۋىنىڭ بىردەن- ءبىر سەبەبى اسىققان ادامدار ءبىر- ءبىرىن يتەرگەن، ال قاتتى ىستىق قۇرباندار سانىنىڭ وسۋىنە الىپ كەلدى»، - دەيدى ول.
سونداي- اق، ۆەدومستۆو وكىلى قاۋىپسىزدىك قىزمەتى بۇنداي وقيعانى ەندى بولدىرماۋعا تىرىساتىنىن اتاپ ءوتتى.
ايتا كەتەيىك، قۇربان ايتتىڭ ءبىرىنشى كۇنى قاجىلىق پارىزىن وتەۋشىلەر مينادا شاتىرلارعا ورنالاسقاننان كەيىن شايتانعا تاس لاقتىرۋ ءۇشىن ۇلكەن شايتانعا (اقابا ءجامراسىنا) بارادى. وسى كەزدە كەپتەلىس ورىن الىپ، سالدارىنان سوڭعى مالىمەت بويىنشا 717 ادام قازا تاۋىپ، 800 دەن استام جاراقات العان.
ق ر س ءى م الدىن الا بولجام بويىنشا كەپتەلىس سالدارىنان قازا تاپقاندار قاتارىندا قازاقستاندىقتار جوق ەكەندىگىن حابارلاعان بولاتىن.
