پاۆلودارلىق دەپۋتات ماس كۇيىندە كولىك جۇرگىزگەن
سوت وكىلدەرىنىڭ مالىمەتىنشە، ەر ادام قالانىڭ ورتالىق كوشەلەرىنىڭ بىرىندە توقتاتىلعان. ماس كۇيىندە كولىك جۇرگىزگەنى ءۇشىن حالىق قالاۋلىسىنا قاتىستى اكىمشىلىك حاتتاما تولتىرىلعان. دەپۋتات ۆىرۆينسكيدىڭ قان قۇرامىندا الكوگولدىڭ بار ەكەندىگى مەديتسينالىق كۋالاندىرۋ ارقىلى راستالدى. «سوتتىڭ قاۋلىسىنا سايكەس، پەتر ۆىرۆينسكيي «كولىك قۇرالىن ماس كۇيىندە جۇرگىزۋ» بابى بويىنشا قۇقىقبۇزۋشىلىقتى جاسادى دەپ تانىلىپ، كولىك جۇرگىزۋ كۋالىگىنەن ءۇش جىل مەرزىمگە ايىرىلدى»، - دەلىنگەن پاۆلوداردىڭ اكىمشىلىك سوتىنداعىلار.
ايتا كەتەيىك، 53 جاستاعى دەپۋتات ازاماتتاردىڭ قۇقىعى مەن زاڭدىلىعىن ساقتاۋ بويىنشا قالالىق ءماسليحاتتىڭ كوميسسياسىنا مۇشە. 2015 -جىلدىڭ باسىنان بەرى پاۆلودار وبلىسىندا 2209 جۇرگىزۋشى ۇستالعان، ولاردىڭ سەكسەنى ماس كۇيىندە تىزگىنگە وتىرعانى ءۇشىن جۇرگىزۋشى كۋالىگىنەن ايىرىلدى.
