گەرمانيادا بوسقىندار بۇرىن ۇرەي مەن ءولىم ورداسى اتانعان كونسلاگەر عيماراتىنا جايعاستى

داحاۋ اۋماعىنا تاياۋ شىعىس پەن سولتۇستىك افريكادان اعىلعان بوسقىندار ورنالاستىرىلعان. جەرگىلىكتى بيلىك «بۇل - ۋاقىتشا شارا» دەپ اقتالىپ وتىر. ويتكەنى بۇگىندە كەلىمسەكتەردى جايعاستىراتىن جاڭا ورىندار سالۋ ءۇشىن مەملەكەتتە قاراجات تاپشى كورىنەدى.

ولار بولاشاقتا ميگرانتتارعا قولايلى جاعداي جاسالادى دەپ سەندىرۋدە. ايتا كەتەيىك، داحاۋ كونسلاگەرىن 1945 -جىلى امەريكالىق اسكەر ازات ەتكەن. 12 جىل ىشىندە مۇندا 40 مىڭنان استام ادام قازا تاۋىپتى، دەپ جازادى 24.kz.

«مۇندا نەگىزىنەن ەۆرەيلەر تۇراتىن. ولار اشىق اسپان استىندا جەردى تىڭايتۋمەن اينالىسقان. ال ول اۋىر جۇمىستاردىڭ ءبىرى سانالاتىن. سول سەبەپتى دە مۇندا كىسى قازاسى ءجيى تىركەلەتىن. داحاۋ ۇرەي مەن ءولىم ورداسى بولعان»، - دەدى داحاۋ مەموريالدىق كەشەنىنىڭ باسشىسى گابريەل حاممەرمان.