نوبەل كوميتەتىندە جاڭا جانجال باس كوتەرە جازداپ تۇر
بۇعان نورۆەگ مامانىنىڭ «الەمنىڭ قۇپيالارى» دەگەن مەمۋار شىعارعانى سەبەپ بولىپ وتىر. اتالمىش فوليانتتا كوميتەتتىڭ بۇرىنعى قىزمەتكەرى سوڭعى 25 -جىلدىڭ ىشىندە بەدەلدى سىيلىقتىڭ كىمگە جانە نە ءۇشىن بەرىلگەنىن تولىق اشىپ جازىپتى. سونىڭ ىشىندە ول ا ق ش پرەزيدەنتى باراك وباماعا مۇنداي تارتۋدىڭ تاعايىندالۋى ۇلكەن قاتەلىك جانە ادىلەتسىزدىك بولعانىن العا تارتادى. لۋندەستادتىڭ پىكىرىنشە، امەريكا پرەزيدەنتىنە نوبەل سىيلىعىنىڭ بەرىلۋى ورىنسىز عانا بولىپ قويماعان، اق ءۇيدىڭ يەسى سونىمەن قاتار كەيىن ءۇمىتتى دە اقتاماعان. كوميتەتتە شيرەك عاسىردان استام ۋاقىت ەڭبەك ەتكەن قىزمەتكەردىڭ نوبەل كوميتەتى مۇشەلەرى مەن لاۋرەاتتارى اراسىنداعى قارىم- قاتىناستى بۇگە- شىگەسىنە دەيىن اشىپ كورسەتۋى ونىڭ بۇرىنعى ارىپتەستەرىنە ۇناماي قالىپتى. مۇنى ولار قۇپيانى سىرتقا شىعارماۋ جونىندەگى كەلىسىمدى بۇزۋشىلىق دەپ ەسەپتەپ وتىر. ال كەلىسىمگە سايكەس، بۇل جەردەن قىزمەتتەن كەتكەن ادام كوميتەتتىڭ ىشكى مالىمەتتەرىن سونان سوڭعى 50 جىلعا دەيىن قۇپيا ۇستاۋعا ءتيىس ەكەن.
«ەگەمەن قازاقستان»
