اۋىر اتلەت ساۋلە ءسادۋاقاسوۆا فۋجوۋدا قولا مەدال جەڭىپ الدى

استانا. قازاقپارات - قازاقستاندىق سپورتشى ساۋلە ءسادۋاقاسوۆا (63 كەلى) 21-23 - قىركۇيەك ارالىعىندا قىتايدىڭ فۋجوۋ قالاسىندا ءوتىپ جاتقان حالىقارالىق اۋىر اتلەتيكا فەدەراتسياسىنىڭ گران- پريىندە قولا مەدالدى جەڭىپ الدى.

 قوس سايىس بويىنشا ءبىزدىڭ سپورتشىمىز 208 كەلى كوتەردى. جۇلقا كوتەرۋدە ساۋلە 90 كەلىنى وڭاي كوتەردى، الايدا ونىڭ سالماقتى 95 كەلىگە دەيىن كوتەرۋدىڭ ەكى تالپىنىسىنان ناتيجە شىقپادى.

 ەسەسىنە وتانداسىمىز سەرپە كوتەرۋدىڭ ءۇش مۇمكىندىگىن دە تابىستى پايدالانا الادى. ۇزدىك ناتيجەسى - 118 كەلى، دەپ حابارلادى قازاقستان اۋىر اتلەتيكاسى فەدەراتسياسىنىڭ باسپا ءسوز قىزمەتىنەن.

ءبىرىنشى ورىندى قىتاي سپورتشىسى چەن گۋمين (Chen Guiming) (235 كەلى) جەڭىپ السا، ەكىنشى ورىندى رەسەيلىك ناتاليا حلەستكينا (220 كەلى) يەلەندى.