ەل اۋماقتارىندا جەل كۇشەيىپ، شاڭدى داۋىل تۇرۋى ىقتيمال

استانا. قازاقپارات - قازاقستاننىڭ كوپتەگەن اۋماقتارىندا اۋا رايى جاۋىن-شاشىنسىز بولادى، كەي جەرلەردە جەل كۇشەيەدى.

قازگيدرومەتتىڭ حابارلاۋىنشا، سولتۇستىكتە، شىعىستا اۋا رايى تۇراقسىز بولادى، كەي جەرلەرىندە جاۋىن-شاشىن جاۋادى (كوبىنەسە جاڭبىر تۇرىندە)، كۇندىز جەل كۇشەيەدى. رەسپۋبليكانىڭ سولتۇستىگىندە، ورتالىعىندا جانە شىعىسىندا تۇمان كۇتىلەدى.

تۇندە جانە تاڭەرتەڭ اقمولا، سولتۇستىك قازاقستان، شىعىس قازاقستان وبلىستارىنىڭ كەي جەرلەرىندە تۇمان تۇسەدى، كۇندىز جەلدىڭ جىلدامدىعى 15-20 م/س جەتەدى.

قاراعاندى وبلىسىنىڭ كەي جەرلەرىندە - تۇمان.

پاۆلودار وبلىسىندا، تۇندە الماتى وبلىسىندا، كۇندىز جامبىل، وڭتۇستىك قازاقستان، اتىراۋ، ماڭعىستاۋ وبلىستارىنىڭ كەي جەرلەرىندە جەلدىڭ 15-20 م/س كۇشەيۋى ىقتيمال.

ماڭعىستاۋ وبلىسىندا شاڭدى داۋىل كوتەرىلەدى.

قىزىلوردا وبلىسىندا، وڭتۇستىك قازاقستان، باتىس قازاقستان، قاراعاندى، قوستاناي وبلىستارىنىڭ كەي جەرلەرىندە وتە جوعارى ءورت قاۋپى ساقتالادى.