الماتىدا شوكولاد كورمەسى اشىلدى - فوتو
الەمدىك تۋر اياسىندا «Nikolya شوكولاد مۋزەيى» اۆتورلىق كورمەسى بۇعان دەيىن ت م د ەلدەرىنىڭ 40 قا جۋىق قالاسىندا بولعان. بۇگىنگى كورمەگە 300 دەن استام جادىگەرلەر قويىلدى. ولاردىڭ ىشىندە قازاقستانعا ارنالعاندارى دا بار.
«جادىگەرلەردىڭ ازعانتاي بولىگىن دايىن كۇيىندە الىپ كەلدىك. ءبىراق، نەگىزگى بولىگى وسى جەردە، ياعني مۋزەيدە ءبىر اي كولەمىندە جاساپ شىعاردىق. سولاردىڭ ىشىندە اسىرەسە قازاق قىزدارىنىڭ باسىنا كيەتىن ساۋكەلە مەن «التىن ادامنىڭ» دۋلىعاسىن جاساپ شىعارۋ ماعان قيىنعا سوقتى»، - دەدى كورمەنىڭ اۆتورى نيكولاي پوپوۆ.
ونىڭ ايتۋىنشا، كورمەدەگى جادىگەرلەردىڭ بارلىعىنىڭ سالماعى 700 كەلىدەن اسادى. ال جادىگەرلەردىڭ ءوزى شوكولادتان جاسالىپ، مارتسيپانمەن جانە تاعامدىق بوياعىشتارمەن ارلەنگەن.
«بۇل جادىگەرلەر ءبىر جىلعا دەيىن ساپاسىن جوعالتپايدى. ياعني جەۋگە جارامدى. ال ءبىر جىلدان كەيىن ءدامى وزگەرەدى. ءبىراق كورمەلەرگە ەكى جىل كولەمىندە قويۋعا بولادى»، - دەدى ن. پوپوۆ.
سونىمەن قاتار، كورمە بارىسىندا نيەت بىلدىرۋشىلەر نيكولاي پوپوۆتىڭ شەبەرلىك سىنىبىنا قاتىسا الادى. ال كورمە الداعى قاراشا ايىنىڭ ورتاسىنا دەيىن جالعاسادى. كەيىن ول، ەلىمىزدىڭ باسقا دا قالالارىندا جۇرتشىلىق نازارىنا ۇسىنىلادى.
