اراپا كۇنى ايەل ادامدار نە ىستەۋى كەرەك؟

استانا. قازاقپارات - اراپا كۇنىنىڭ ماڭىزدىلىعى تۋرالى پايعامبارىمىزدىڭ (س. ع. س.) حاديستەرىندە بىلاي دەلىنگەن: «اللا تاعالا اراپا كۇنىندە قۇلدارىنا نازار سالادى. تۇيىردەي يمانى بار بولعان ادامدى كەشىرەدى» (عۋنيا).

«اراپا كۇنىن قۇرمەتتەڭدەر! ويتكەنى اراپا -  اللا تاعالا قادىرلەگەن كۇن» (ءدايلامي).

«اراپا كۇنى قۇلاعىنا، كوزىنە جانە تىلىنە يە بولعان ادام كەشىرىلەدى» (ءتاباراني).

 ەرتەڭ -  ۇلى مەيرام، اسا قادىرلى مەرەكە. ەرەكشە دايىندىقتى تالاپ ەتەتىن كۇن. سوندىقتان ايەلدەر بۇل كۇنى كەلەسى اتالعانداردى جاساۋى ءتيىس:

1. ادەتتەگىدەن ەرتەرەك تۇرىڭىز.

2. ءۇي ءىشى، اۋلاڭىزدى مۇقيات تازالاڭىز.

3. بۇل كۇنى قاجىلىقتاعىلار ارافاتتا تۇرىپ (بەسىن مەن اسىر نامازدارىنىڭ ارالىعىنداعى ۋاقىتتا) دۇعا جاسايدى. سول سەبەپتى ءسىز دە ۇيدە وتىرىپ عۇسىل قۇيىنىپ، شىن جۇرەگىڭىزبەن دۇعا جاساڭىز. اللادان وتباسىڭىزدىڭ بەرەكەسىن، بالالارىڭىزدىڭ اماندىعىن، ەلىمىزدىڭ تىنىشتىعىن تىلەگەنىڭىز دۇرىس.

4. سودان كەيىن باۋىرساق پىسىرۋگە كىرىسە بەرسەڭىز بولادى.

5. ەرتەڭ قوناقتار كەلگەندە ۇلگەرمەي جۇرمەۋىڭىز ءۇشىن داستارحانعا قوياتىن ءتاتتى، دامدەرىڭىزدى وسى كۇنى دايارلاپ قويىڭىز.

6. بۇل مەرەكەنىڭ ماڭىزدىلىعىن بالالارىڭىز دا ءتۇسىنسىن. ولارعا سىي- سىياپات جاساۋدى ۇمىتىپ كەتپەڭىز.