سىناق: ءسىز ءتوزىمدىسىز بە؟

ءبىرى - جىبەكتەي نازىك، سابىرلى كەلسە، ەندى ءبىرى بىردەن شۋ شىعارىپ، جانجالداسۋعا دايىن تۇرادى.

ال ءسىز شە؟ قانشالىقتى سابىرلىسىز؟ بۇل سۇراققا جاۋاپ بەرۋگە قينالساڭىز، تومەندەگى تەستىنىڭ كومەگىنە جۇگىنىڭىز.

1. ءسىز ۇسىنعان يدەيانى وزگەلەرى قولداماسا، رەنجيسىز بە؟

ا) ءيا - 0؛

ءا) جوق - 2.

2. دوستارىڭىزبەن كەزدەسكەن كەزدە ويىن وينادىڭىزدار دەلىك. ءسىز نەنى تاڭدايسىز؟

ا) تەك تاجىريبەسى بار ادامداردىڭ ويناعانىن - 0؛

ءا) ءالى ەرەجەسىن تولىق بىلمەيتىن ادامدار عانا ويناعانىن - 2.

3. قايعىلى حاباردى سابىرمەن قابىلدايسىز با؟

ا) ءيا - 0؛

ءا) جوق - 2.

4. قوعامدىق ورىنداردا ماس بولىپ جۇرەتىن ادامدار جۇيكەڭىزگە تيە مە؟

ا) ەگەر ولار ەشكىمنىڭ مازاسىن الماسا، ولارعا بۇرىلىپ قارامايمىن - 2؛

ءا) ءوزىن ۇستاي المايتىن ادامداردى سىيلامايمىن - 0.

5. قىزىعۋشىلىعى مەن تانىمى بولەك اداممەن اڭگىمەلەسە الاسىز با؟

ا) مۇنداي كەزدە قاتتى قينالامىن - 0؛

ءا) مەن مۇنداي نارسەلەرگە نازار اۋدارمايمىن - 2.

6. بىرەۋ ءسىزدى كەلەكەتسە، نە ىستەيسىز؟

ا) كەلەكەتكەن ادامدى جاقتىرمايمىن - 0؛

ءا) قالجىڭى ورىنسىز بولسا دا، جاۋاپتى سىپايى تۇردە قايتارۋعا تىرىسامىن - 2.

7. «ادامداردىڭ كوبىسى وزگەلەردىڭ شارۋاسىنا ارالاسادى» دەگەن پىكىرگە كوزقاراسىڭىز قانداي؟

ا) ءيا - 0؛

ءا) جوق - 2.

8. جانىڭىزداعى دوسىڭىز سىزگە قاراعاندا جاقسى جۇمىس ىستەپ، كوپشىلىكتىڭ ىقىلاسىنا بولەنەدى. مۇندايدا نە ىستەيسىز؟

ا) شىنىمدى ايتسام، ونىڭ كولەڭكەسىندە قالىپ قويعىم كەلمەيدى - 0؛

ءا) مەن تەك قانا قۋانامىن - 2.

9. قوناققا بارعان كەزدە جاستاردى عايباتتاپ وتىرعان اداممەن كەزدەستىڭىز. نە ىستەيسىز؟

ا) سىلتاۋ تاۋىپ، ەرتەرەك كەتىپ قالامىن - 2؛

ءا) ونىمەن ءسوز تالاستىرامىن - 0.

جاۋابى:

جوعارداعى سىناقتان 0 دەن 4 ۇپايعا دەيىن جيناساڭىز:  ءسىزدىڭ پىكىرىڭىزدى وزگەرتۋ قيىن. ەشكىمنىڭ ىرقىنا كونبەيسىز. كەرىسىنشە وزگەلەرگە ايتقانىڭىزدى ىستەتكىڭىز كەلەدى. ماقساتىڭىزعا جەتۋ ءۇشىن جاقىن ادامدارىڭىزدى قۇرباندىققا شالۋىڭىز مۇمكىن. قىرسىق مىنەزىڭىزدىڭ ارقاسىندا كوپ اداممەن ءسوزىڭىز جاراسپايدى.

ال 6-12 ۇپاي ارالىعىندا بولسا: ءوز پىكىرىڭىزدى سوڭىنا دەيىن قورعايسىز. قاجەت بولعان كەزدە ورتاق شەشىمگە كەلىپ، ادامدارمەن ءتىل تابىسا الاسىز. كەيدە قارسى الدىڭىزدا وتىرعان ادامدى قاتتى رەنجىتۋىڭىز مۇمكىن. جەڭىسكە ءادىل جولمەن جەتۋدى ۇيرەنگەنىڭىز ءجون.

ەگەر ناتيجەڭىز 14-18 ۇپايعا جەتسە: اقىلىڭىز كوركىڭىزگە ساي. ال مىنەزىڭىزگە تاعار ءمىن جوق. كەز كەلگەن ادامنىڭ پىكىرىن تىڭداپ، دۇرىس شەشىم قابىلداي الاسىز. اق پەن قارانىڭ ارا- جىگىن وڭاي اجىراتاسىز.

massaget.kz