قىتايدىڭ ايەل جازۋشىسى ميىن قاتىرتىپ كەتتى
بۇل تۋرالى GB Times حابارلادى دەپ جازادى ras.kz.
ايىقپاس اۋرۋعا ۇشىراعان ايەل ميىن قاتىرتىپ، ونى سۇيىق ازوتقا سالىپ قويۋدى ۇيعارعان. ول عالىمداردىڭ 50 جىلدان كەيىن كريوكونسەرۆاتسيا جاسالعان ادامداردى ءتىرىلتىپ الاتىنىنا ۇمىتتەنەدى.
بۇل پروتسەدۋرا مارقۇمنىڭ وتباسى ءۇشىن 120 مىڭ ا ق ش دوللارىنا ءتۇسىپتى. جازۋشىنىڭ بالالارى انالارىنىڭ سوڭعى تىلەگىن ورىنداۋ ءۇشىن ونىڭ پاتەرىن دە ساتىپتى.
دۋ حۋن قىتايدا كريوكونسەرۆاتسيا پروتسەدۋراسىنان وتۋگە شەشىم قابىلداعان ءبىرىنشى ادام بولدى.
«انامنىڭ ميى بەيجىڭدە سۇيىق ازوتقا سالىندى، سوسىن ساقتاۋ ءۇشىن ا ق ش- قا جىبەرىلدى»، دەدى جازۋشىنىڭ قىزى، گەندىك جانە جاسۋشالىق ينجەنەريا مامانى جاڭ شىياۋ.
ەگەر جاقىندارىنىڭ قول قويعان ءتيىستى قۇجاتتارى بولسا، باستى دەنەدەن ءبولىپ الىپ، ونى سۇيىق ازوتقا سالىپ قويۋ قىلمىس بولىپ سانالمايدى. كۇردەلى وپەراتسيانى امەريكانىڭ ءومىردى ۇزارتۋ جونىندەگى «الكور» قورى جۇرگىزدى.
ولەرىنەن ءسال بۇرىن دۋ حۋن مامانداردىڭ ەشقاشان ادامدارى تىرىلتە الماۋلارى مۇمكىن ەكەنىن دە مويىندادى. سوعان قاراماستان، ول ءوزىنىڭ دەنەسىن تاجىريبە ءۇشىن بەرۋ تىلەگىنەن باس تارتقان جوق.
