16:00, 22 - قىركۇيەك 2015 | GMT +5
دوللاردىڭ قۇنى ايتارلىقتاي ءتۇستى
استانا. قازاقپارات - KASE كۇندىزگى سەسسياسىندا دوللار باعامى 261,64 تەڭگە بولدى.
ۆاليۋتا تاڭعى سەسسياعا قاراعاندا 8 تەڭگەگە ارزاندادى. ول كەزدە 269,96 تەڭگە بولعان ەدى. 270 تەڭگە شاماسىنداعى باعام قازاقستاندا ءبىر تاۋلىك بويى وزگەرىسسىز ساقتالدى. بۇل ۇلتتىق بانكتىڭ ينتەرۆەنتسيا جۇرگىزۋىنەن بولىپ وتىر، ونىڭ جالپى كولەمى - 694,7 ميلليون دوللار.
كۇندىزگى ساۋداداعى ءبىرىنشى كەلىسىم 270 تەڭگەمەن جاسالدى. ەڭ جوعارى باعا دا وسى. ال ەڭ تومەنگى باعا - 257 تەڭگە. ساۋدانىڭ جالپى كولەمى 101,4 ميلليون دوللاردان استى. ساۋداعا ۆاليۋتا نارىعىنىڭ 19 مۇشەسى قاتىستى.
ايتا كەتەيىك، بۇعان دەيىن دوللار باعامىنىڭ ەكى كۇننەن بەرى وزگەرىسسىز تۇرعانى حابارلانعان بولاتىن. ەستەرىڭىزدە بولسا، 16 -قىركۇيەكتە اقشا ايىرباستاۋ ورىندارى دوللاردى 300 تەڭگەمەن ساتا باستاعاندا ۇلتتىق بانك تەڭگە باعامىن تۇراقتاندىرۋعا شەشىم قابىلدادى.
Tengrinews.kz
