الماتىدا «جاس قالام» جاس اقىندار جىر ءمۇشايراسىنىڭ جۇلدەگەرلەرى انىقتالدى

الماتى. قازاقپارات- الماتىدا «جاس قالام» جاس اقىندار جىر ءمۇشايراسىنىڭ جۇلدەگەرلەرى انىقتالدى.

بۇل تۋرالى بۇگىن الماتى قالاسى مادەنيەت باسقارماسىنان حابارلادى.

«مۇشايراعا ۇزىن- سانى 30 اقىن قاتىستى. سولاردىڭ ىشىنەن مارات كەنجەحان ۇلى ءازىمحان 1- ورىندى جەڭىپ الدى. ەكىنشى ورىن نازلى ماممادين قىزى يسكاندەروۆاعا بۇيىرسا، نۇرساۋلە اسىعات قىزى ساۋلەت ءۇشىنشى ورىندى يەلەندى»، - دەلىنگەن حابارلامادا.

جۇلدەگەرلەردى ماراپاتتاۋ ءراسىمى بۇگىن - 22 -قىركۇيەك كۇنى الاتاۋ اۋدانىنداعى «الاتاۋ» مادەنيەت ورتالىعىندا قالا كۇنى اياسىندا وتكىزىلەتىن «انا ءتىلىم ارداعىم» فەستيۆالىندە سالتاناتتى تۇردە اتاپ وتىلەدى.

ەستەرىڭىزگە سالا كەتەلىك، 2015 -جىلدىڭ 17 -تامىزى مەن 17 -قىركۇيەگى ارالىعىندا الماتى قالاسىنىڭ اكىمدىگى مەن قازاقستان جازۋشىلار وداعى بىرلەسىپ، قالا كۇنىن مەرەكەلەۋ اياسىندا «جاس قالام» جاس اقىندار جىر ءمۇشايراسىن ۇيىمداستىرعان بولاتىن. وعان الماتى قالاسى تۋرالى جازعان شىعارمالارىمەن 35 جاسقا دەيىنگى اقىندار قاتىستى.

ال قازىلار القاسىنىڭ قۇرامىنا الماتى قالاسى مادەنيەت باسقارماسى اتىنان - جامبىل اتىنداعى مەملەكەتتىك جاسوسپىرىمدەر كىتاپحاناسىنىڭ ديرەكتورى گۇلسىم ساپاقوۆا، الماتى قالاسى تىلدەردى دامىتۋ، مۇراعاتتار جانە قۇجاتتاما باسقارماسى اتىنان - الماتى قالاسى تىلدەردى دامىتۋ، مۇراعاتتار جانە قۇجاتتاما باسقارماسىنىڭ باس مامانى نۇرمۇحا شايمەردەنوۆ جانە قازاقستان جازۋشىلار وداعى اتىنان - «انارىس» باسپاسىنىڭ باس رەداكتورى قادىربەك قۇنىپيا ۇلى ەندى.

اۆتور: جاپپاربەرگەن ايبوتا