ۇكىمەت «قازاق فيلمگە» گولليۆۋدتىق ينۆەستور تارتۋعا ءۇمىتتى
مۇنداي پىكىردى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندەگى بريفينگتە ەل پرەمەر-ءمينيسترىنىڭ ءبىرىنشى ورىنباسارى باقىتجان ساعىنتايەۆ ءمالىم ەتتى.
«قازاق فيلمگە» قاتىستى ب ا ق وكىلدەرىنىڭ ساۋالىنا وراي ول ۇكىمەتتىڭ كينوستۋديانى تولىعىمەن ساتپايتىندىعىن جانە ونىڭ قىزمەتىن ساقتاپ قالۋعا نيەتتى ەكەندىگىن باسا اتاپ ءوتتى.
«ءبىز «قازاق فيلمدى» تولىعىمەن ساتايىق دەپ وتىرعان جوقپىز. مىندەت مىناداي - بەيىنىن ساقتاپ قالۋ. ءبىز جىل سايىن ءتۇرلى فيلمدەر تۇسىرۋگە شامامەن 5 ميلليارد تەڭگە بولەمىز. بۇل مۇمكىن مۇلدەم از شىعار. ول جاقتا ساپالى فيلمدەردىڭ تۇسىرىلگەنىن قالايمىز. ءبىزدىڭ فيلمدەرىمىزدى باسقا دا ەلدەرگە كورسەتكىمىز كەلەدى. بىزدەرگە ينۆەستورلار كەلۋى مۇمكىن. كىم بىلەدى، مۇمكىن گولليۆۋدتان قانداي دا ءبىر كومپانيا كەلىپ قالار. سوندىقتان ماسەلە سول كۇيىندە قالا بەرەدى. ستراتەگيالىق ينۆەستورعا 49 پايىز اكسيانى ساتىپ ۇسىنىلادى»، - دەدى ب. ساعىنتايەۆ.
ونىڭ سوزىنە قاراعانداي، مۇنداي ءادىس باسقا دا مادەنيەت نىساندارىنا قاتىستى قولدانىلۋى ءتيىس.
اۆتور: مارلان جيەمباي
