ايەلدەر قانداي ەركەكتەرگە سەنەدى؟

استانا. قازاقپارات - ايەلدەرگە كۇلىمسىرەپ تۇرعان ەركەك ۇناپ قانا قويمايدى، ولار وندايلارعا سەنىممەن قارايدى.

بۇل تۋرالى AmericaRU.com حابارلادى دەپ جازادى nur.kz پورتالى.

زەرتتەۋشىلەر ەركەكپەن ۇزاق مەرزىمدى قارىم- قاتىناس قالىپتاستىرعىسى كەلەتىن ايەلدەردىڭ ەرلەردىڭ كۇلىمسىرەپ تۇراتىندارىن تارتىمدى دەپ باعالايتىندارىن انىقتادى. ايەلدەر سونداي-اق جىميىپ جۇرەتىن ەر كىسىلەرگە كوبىرەك سەنەتىندەرىن دە جەتكىزگەن.

ءبىر قىزىعى، ۇزاق ۋاقىتقا سوزىلاتىن بايلانىستى كەرەك ەتپەيتىن قىز- كەلىنشەكتەر كۇلىمدەگەن جىگىتتەردى تارتىمدى دەپ ەسەپتەمەيتىن بولىپ شىقتى. مۇنى انىقتاعان وسلو ۋنيۆەرسيتەتى مەن سەنشۋ ۋنيۆەرسيتەتىنىڭ پسيحولوگتارى سەنىمدى بولىپ كورىنەتىن ەر كىسىلەردىڭ جىميعىش بولىپ كەلەتىنى ولاردىڭ وتباسىندا العان ءتالىم- تاربيەسىمەن بايلانىستى دەگەن بايلامعا كەلىپ وتىر. ءبىراق، جەڭىلتەك بويجەتكەندەر ءۇشىن ماسەلەنىڭ بۇل جاعى ونشالىقتى ماڭىزدى كورىنبەيدى ەكەن.

«كۇلىمسىرەۋ ەركەكپەن قارىم- قاتىناستى ۇزاق ۋاقىتقا جوسپارلاۋعا نەگىز بولادى. ايەلدەر ءوزى ەكىقابات بولعان جانە بالا تاربيەلەپ جۇرگەن كەزدەردە ءوز جۇبىن جوعالتىپ الۋ تاۋەكەلىن بارىنشا ازايتۋ ماقساتىندا سەنىمدىلىك سياقتى الەۋمەتتىك فاكتورعا كوبىرەك كوڭىل بولەدى»، دەپ جازادى «Evolutionary Psychology» جۋرنالى.

سونىمەن قاتار، ا ق ش عالىمدارى ءازىلقوي ايەلدەرگە ەر ادامداردىڭ كوزقاراسى قانداي بولاتىنىن دا زەرتتەپتى.

ا ق ش- تىڭ كانزاس مەملەكەتتىك زەرتتەۋ ۋنيۆەرسيتەتىنىڭ ماماندارى ايەلدەرگە ەر ادامداردىڭ الدىندا تىم ءازىلقوي بولماۋ كەرەكتىگىن ەسكەرتتى. ولاردىڭ زەرتتەۋى بويىنشا كۇلەگەش، ءازىل- قالجىڭعا اۋەس ايەلدەرگە ەر ادامداردىڭ باسىم بولىگى «جەڭىلتەك» دەپ، بوتەن پيعىلمەن قارايتىنى بەلگىلى بولدى، دەپ جازادى قازاقپارات «The Daily Mail» باسىلىمىنا سىلتەمە جاساپ. عالىمداردىڭ ەكسپەريمەنتى بارىسىندا ەرىكتىلەر Facebook الەۋمەتتىك جەلىسىندەگى بەيتانىس ايەلدەردىڭ بەيىنىن زەردەلەپ، ولاردىڭ مىنەز- قۇلقىن باعالادى. زەرتتەۋ ناتيجەسى بويىنشا، ماماندار ازىلدەي بىلەتىن ەر ادامدار ايەلدەرگە كوبىرەك ۇنايتىنىن، ال ايەلدەردىڭ ازىلكەش بولىپ كورىنگىسى كەلگەنى ەر ادامداردىڭ ەشبىرىندە جاعىمدى پىكىر قالىپتاستىرماعانىن ايتقان.

 BNews.kz