پاۆلوداردا ەكى ستۋدەنتتىڭ جۇرەگى توقتاپ قالدى
شۇعىل اقپارات بويىنشا، قايعىلى وقيعانىڭ ەكەۋى اراعا ءبىر كۇن سالىپ بولعان.
جەدەل جاردەم دارىگەرلەرىنىڭ حابارلاۋىنشا، 17 -قىركۇيەكتە اۆتوبۋس ايالداماسىنان 16 جاستاعى ءجاسوسپىرىم ەس- ءتۇسسىز جاتقان جەرىندە تابىلدى.
«حابار ءوتىپ بارا جاتقان ادامداردان كەلىپ ءتۇستى، ولار جاس ءوسپىرىمنىڭ كوشەدە كەتىپ بارا جاتىپ قۇلاعانىن ايتتى. وقيعا ورنىنا كەلگەن دارىگەرلەر ونىڭ كوز جۇمعانىن انىقتادى. ءبىراق جىگىت اعزاسىنىڭ جاس ەكەنىن ەسكەرگەن ولار ءجاسوسپىرىمدى جەدەل جاردەم كولىگىنە سالىپ، جانساقتاۋ شارالارىن جۇرگىزە باستادى. بەس مينۋتتىڭ ىشىندە ول وبلىستىق بالالار اۋرۋحاناسىنا جەتكىزىلدى»، - دەدى سۋكونچيك.
ونىڭ ايتۋىنشا، اۋرۋحانادا جاسوسپىرىمگە جاسالعان جانساقتاۋ شارالارى توقتالعان جوق، الايدا ونى امان الىپ قالۋ مۇمكىن بولمادى. الدىن الا مالىمەت بويىنشا، جاس ءوسپىرىمنىڭ جۇرەگى توقتاپ قالعان.
دارىگەرلەردىڭ بولجامى بويىنشا، ەكى جاعداي دا ءدال وسىنداي سەبەپپەن بولدى، پاۆلودارلىق مۇناي- گاز كوللەدجىنىڭ 19 جاستاعى ستۋدەنتى تاقتا الدىندا جاۋاپ بەرىپ تۇرىپ، قۇلاعان. «18 قىركۇيەكتە ساعات 15.19 دا ءبىلىم بەرۋ مەكەمەسىنەن حابار كەلىپ ءتۇستى، ولار ساباق بارىسىندا ستۋدەنتتىڭ ءوزىن ناشار سەزىنىپ، قۇلاعانىن حابارلادى. دارىگەرلەر جەتكەندە جاس ءوسپىرىم كلينيكالىق ءولىم جاعدايىندا جاتتى. وقيعا ورنىندا وكپە-جۇرەك رەانيماتسياسى جاسالىپ، اۋرۋحاناعا بارار جولدا جالعاستى»، - دەدى سۋكونچيك.
ءبىراق بۇل كەزدە دە دارىگەرلەر ەشتەڭە ىستەي المادى. قازىرگى تاڭدا جاس ءوسپىرىمنىڭ ناقتى نەدەن قازا بولعانى انىقتالىپ جاتىر. ونىڭ بۇرىن جۇرەگىنىڭ اۋىرماعانى بەلگىلى بولىپ وتىر جانە مەديتسينالىق تەكسەرۋ بارىسىندا دا دەنى ساۋ بولعان.
