سينگاپۋرلىق ينۆەستورلارعا قازاقستاننىڭ ينۆەستيتسيالىق مۇمكىنشىلىكتەرى تانىستىرىلدى
ءىس-شارانى قازاقستان رەسپۋبليكاسىنىڭ سينگاپۋر رەسپۋبليكاسىنداعى ەلشىلىگى جانە Singapore Business Federation قولداۋىمەن «KAZNEX INVEST» ەكسپورت جانە ينۆەستيتسيالار جونىندەگى ۇلتتىق اگەنتتىگى ۇيىمداستىردى.
ق ر س ءى م باسپا ءسوز قىزمەتىنىڭ حابارلاۋىنشا، قازاقستاندىق دەلەگاتسيانى ق ر ينۆەستيتسيالار جانە دامۋ ۆيتسە-ءمينيسترى راقىم وشاقبايەۆ باسقارىپ باردى. دەلەگاتسيا قۇرامىنا ۇلتتىق كومپانيالاردىڭ وكىلدەرى، ءبىرقاتار وبلىستاردىڭ اكىمدەرى، «قورعاس-شىعىس قاقپاسى» ا ە ا جانە «تاراز حيميالىق پاركى» ا ە ا- نىڭ، سونداي-اق جەكە كومپانيالاردىڭ وكىلدەرى كىردى. سينگاپۋر تاراپىنان ءىس-شاراعا ەلدىڭ جەتەكشى كومپانيالارى مەن 100 دەن اسا ۇيىمدارىنىڭ وكىلدەرى قاتىستى.
سينگاپۋرداعى ق ر وكىلى ەرلان-باۋداربەك-قوجاتايەۆ ءىس-شارا قاتىسۋشىلارىن قازاقستانداعى الەۋمەتتىك-ەكونوميكالىق جاعدايمەن، ونىڭ ىشىندە جاڭا «نۇرلى جول» ەكونوميكالىق ساياساتىمەن تانىستىرىپ ءوتتى.
ول قازاقستان مەن سينگاپۋر اراسىنداعى ەكىجاقتى قارقىندى دامىعان قاتىناستى جانە 2015-جىلدىڭ 16- شىلدەسىنەن باستاپ سينگاپۋرمەن ۆيزاسىز رەجىمدى ەنگىزگەنىن تىلگە تيەك ەتىپ، سينگاپۋرلىق ينۆەستورلاردى ءوزارا ىنتىماقتاستىق قاتىناس ورناتۋعا شاقىردى.
راقىم وشاقبايەۆ سينگاپۋرلىق ينۆەستورلارعا ينۆەستيتسيالىق ارتىقشىلىقتاردى جاڭعىرتۋ جونىندەگى قابىلدانىپ جاتقان شارالار مەن جاڭا ينۆەستيتسيالار پاكەتى تۋرالى ايتىپ، قازاقستاننىڭ بيزنەس كليماتىن تانىستىردى.
الەۋەتتى ينۆەستورلارعا سونداي-اق روۋد-شوۋ اياسىندا قازاقستاننىڭ اگروونەركاسىپ، حيميا جانە مۇناي حيمياسى سالاسىنداعى، ماشينا جاساۋداعى، مەديتسينالىق جابدىقتى ءوندىرۋ، قۇرىلىس ماتەريالدارىن ءوندىرۋ، ينفراقۇرىلىم، كولىك-لوگيستيكالىق سالاسىنداعى ينۆەستيتسيالىق مۇمكىنشىلىكتەردى تانىستىردى.
سونداي-اق ق ر ينۆەستيتسيالار جانە دامۋ ۆيتسە-ءمينيسترى راقىم وشاقبايەۆپەن Olam International Limited, Food Empire Holdings Limited, Changi Airports International Pte.Ltd., AMS Consultants, OOILAYLENG, Tommy Lim جانە باسقا دا ءىرى سينگاپۋرلىك كومپانيالاردىڭ وكىلدەرىمەن كەزدەسۋلەر ۇيىمداستىرىلدى.
